2026 වසර සඳහා ඉදිරිපත් කළ අයවැය ලේඛනය තුළ රජයේ ණය සඳහා පොලී පිරිවැය තවදුරටත් ඉහළ ගොස් ඇති බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අංශයේ අධ්යක්ෂ මහාචාර්ය වසන්ත අතුකෝරල මහතා පැවැසීය. Sri Lanka Latest News
2023 වසරේ රජයේ ණය සඳහා පොලී පිරිවැය රුපියල් බිලියන 2,456ක් වූ අතර, 2024 වසරේදී එය රුපියල් බිලියන 2,690 දක්වා වැඩිවන අතර, 2025 වසර සඳහා එය රුපියල් බිලියන 2,950 දක්වා වැඩිවී ඇත.
මේ අනුව රජයේ බදු ආදායමෙන් 64%ක් පමණ වෙන් කිරීමට සිදුව ඇත්තේ රාජ්ය ණය සඳහා පොලී ගෙවීමටය.
2025 වසරේදී ණය සේවාකරණ ගෙවීම් සඳහා රුපියල් බිලියන 4,550ක් පමණ වෙන්කොට ඇති අතර, එයින් ණය පොලී ගෙවීම සඳහා රුපියල් බිලියන 2,950ක් සහ ණය වාරික ගෙවීම සඳහා රුපියල් බිලියන 1,600ක් පමණ වැය වේ යැයි ගණන් බලා ඇත.
රජයේ මුළු වර්තන වියදම් රුපියල් බිලියන 5,886ක් වන අතර, එයින් 50%ක්ම වෙන් කිරීමට සිදුව ඇත්තේ රජයේ ණය සඳහා වූ පොලී ගෙවීමටය.
රාජ්ය ණය සඳහා පොලී පිරිවැය මේ ආකාරයට ඉහළ යෑම ආර්ථික ස්ථාවරත්වය සහ වර්ධනය සඳහා සුබවාදී නොවන බවයි මහාචාර්යවරයා පවසන්නේ.
ඉදිරි වසර කීපය තුළ රාජ්ය ණය සඳහා පොලී ගෙවීම් ක්රමයෙන් පහළ මට්ටමක් දක්වා ගෙන ඒමට රජය ක්රියා කළ යුතුව තිබේ.
එසේ නොවන්නේ නම් අනාගතයේදී බදු ඉහළ නැංවීමට හෝ රාජ්ය ණය ගැනීම් තවදුරටත් වර්ධනය වීමට ඉඩ පවතින බවද හෙතෙම අවධාරණය කළේය.
