විදේශගත වීමට සහ ඒ සඳහා සූදානම් වීමට පසුගිය වසරේ (2023) පමණක් ශ්රී ලාංකිකයන් 9,10,497 දෙනකු විදේශ ගමන් බලපත්ර ලබාගෙන ඇති බව ආගමන විගමන දෙපාර්තමේන්තුවේ උසස් නිලධාරියෙක් ‘මව්රට’ට පැවැසීය. (Sri Lanka Latest News)
එම දෙපාර්තමේන්තුව පසුගිය වසර තුළදී විදේශ ගමන් බලපත්ර නිකුත් කිරීමෙන් ලබාගෙන ඇති ආදායම රුපියල් කෝටි 4,100ක් බවද එම නිලධාරියා සඳහන් කළේය.
දිනෙකට විදෙස් ගමන් බලපත්ර නිකුත් කරනු ලබන ප්රධාන කාර්යාලය ඇතුළු ප්රාදේශීය කාර්යාලවලට ඉදිරිපත් කරනු ලබන අයැදුම්පත් සංඛ්යාව 2,500-2,700 අතර වන බවද සඳහන්ය.
බත්තරමුල්ල, වව්නියාව, මහනුවර, මාතර සහ කුරුණෑගල යන ප්රදේශවල පිහිටි ආගමන විගමන ප්රාදේශීය කාර්යාල මගින් එම සේවාවන් ලබාදීමට පියවර ගෙන ඇත.
මේ අතර, පසුගිය වසරේ ද්විත්ව පුරවැසිභාවය ලබාගෙන ඇති පුද්ගලයන්ගේ සංඛ්යාව 7,387ක් බවද ආගමන විගමන දෙපාර්තමේන්තුව පවැසීය.
වෙනත් වසරවලට වඩා පසුගිය වසරේ විදේශගත වීමේ සංඛ්යාව ඉහළ ගොස් ඇති බව සංඛ්යාලේඛනවලින් හෙළිව තිබේ.
ප්රේමලාල් විජේරත්න
