පසුගිය අයවැයෙන් සෞඛ්ය පද්ධතිය සඳහා වෙන්කරන ලද ප්රතිපාදනවලින් 80%කට වැඩි ප්රමාණයක් මේ දක්වා වියදම් කිරීමට සෞඛ්ය අමාත්යාංශය සමත්ව ඇති බව සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති විශේෂඥ වෛද්ය චමල් සංජීව මහතා සඳහන් කරයි.Sri Lanka Latest News
2025 වසර සඳහා අයවැයෙන් වෙන්කරන ලද මුළු මුදල් ප්රමාණය රුපියල් 474,874,000,000 හෙවත් බිලියන 48කට ආසන්න වෙයි.
ඖෂධ සැපයීම සඳහා වෙන්කළ මුළු ප්රතිපාදන මුදල රුපියල් බිලියන 18කට අධික වන අතර මින් මේ දක්වා භාවිතා කොට ඇත්තේ 19%කට ආසන්න ප්රමාණයක් බව තොරතුරු දැනගැනීමේ පනත යටතේ සෞඛ්ය අමාත්යාංශයේ ප්රධාන මූල්ය නිලධාරී ජී.ඇස්. කරුණාරත්න මහතාගේ අස්සනින් යුක්තව 05.07.2025 දින නිකුත් කොට ඇති වාර්තාවක සඳහන් වෙයි.
උපකරණ මිලදී ගැනීම සඳහා වෙන්කළ රුපියල් කෝටි 1,300 කට අධික මුදලින් මේ දක්වා වියදම් කොට ඇත්තේ 12%කට ආසන්න ප්රතිශතයකි.
නව ගොඩනැගි ඉදිකිරීම් සඳහා වෙන්කළ මුදලින් 16%කට ආසන්න ප්රමාණයක් පමණක් වියදම් කොට ඇති අතර, මාතෘ සහ ළමා සෞඛ්ය සඳහා වෙන්කළ රුපියල් කෝටි සියයකට ආසන්න මුදලින් මේ දක්වා වියදම් කොට ඇත්තේ 05%කට ආසන්න ප්රමාණයකි.
බෝවන රෝග ව්යාප්තිය සඳහා වෙන් කළ මුදලින් භාවිත කොට ඇත්තේ 0.3%කට ආසන්න ප්රමාණයක් වන අතර, බෝ නොවන රෝග ව්යාප්තිය සඳහා වෙන්කළ මුදලින් භාවිත කොට ඇත්තේ 3%කට ආසන්න ප්රමාණයක්ය.
ආසියානු සංවර්ධන බැංකුව මගින් මෙරට සෞඛ්ය පද්ධතියේ දියුණුව සඳහා රුපියල් කෝටි නවසීයකට ආසන්න මුදලක් ලබා දී ඇති අතර මේ දක්වා ඉන් භාවිතා කොට ඇත්තේ 8%කට ආසන්න ප්රමාණයකි.
මෙහි තවත් ඉතා භයානක අනාවරණයක් වන්නේ ප්රාථමික සෞඛ්ය සේවා අරමුදල ලෙස රුපියල් කෝටි 19කට ආසන්න මුදලක් ලැබී ඇති අතර, ඉන් කිසිදු මුදලක් මේ දක්වා වියදම් නොකළ බව අදාළ වාර්තාවේ සඳහන් වීමයි.
පසුගියදා ජනාධිපතිවරයා සෞඛ්ය අමාත්යාංශ ඉහළ නිලධාරීන් කැඳවා මෙරට සෞඛ්ය අර්බුදය සම්බන්ධව විමසීම සිදුකරන ලද අතර අයවැය ප්රතිපාදන වියදම් නොකිරීම සම්බන්ධයෙන්ද එහිදී සාකච්ඡාවට බඳුන් විය.
2019 පෙර සිටම අමාත්යාංශය ඉහළ නිලතල දරන විවිධ චෝදනා එල්ල වී ඇති නිලධාරීන් සමග තවදුරටත් සෞඛ්ය පද්ධතිය ඉදිරි ගමනක් කරා ගමන් කිරීමට නොහැකි බව මෙම මූල්ය ප්රගමනය අනුවම පැහැදිලි වන බව වෛද්ය චමල් සංජීව මහතා අවධාරණය කරයි. මේ ගැන ජනාධිපතිවරයා කඩනමින් පියවරක් නොගතහොත් ලබන වසරේදී උග්ර සෞඛ්ය අර්බුදයක් නිර්මාණය වීම වැළැක්විය නොහැකි බවද වෛද්ය සංජීව මහතා වැඩිදුරටත් පෙන්වා දෙයි.
