පසුගිය වසරේ බාලවයස්කාර දරු දැරියන් අපයෝජනයට සහ හිංසනයට ලක්වීමේ සිද්ධීන් 3,129ක් සිදුව ඇති බව පොලිස් මාධ්ය ඒකකය පැවැසීය.
ඊට අමතරව සුළු අපරාධ ගණයට වැටෙන සිද්ධීන් 2,988ක් සිදුව අති බව පොලිස් ළමා හා කාන්තා කාර්යාංශයට වාර්තා වී ඇති බවද පොලිස් මාධ්ය ඒකකයේ උසස් නිලධාරියකු ‘මව්රට’ට පැවැසීය.
මේ අතර බාලවයස්කාර දරු දැරියන් දූෂණයට ලක්කිරීමේ සිද්ධීන් සහ කාන්තා හිංසනය සම්බන්ධයෙන් කඩිනමින් දැනුම් දීම සඳහා පසුගිය ජනවාරි 09 වැනිදා හඳුන්වා දී ඇති ක්ෂණික දුරකතන අංක (109) යටතේ වූ විශේෂ විමර්ශන ඒකකයට පසුගිය බදාදා වන විට ලැබී ඇති පැමිණිලි සංඛ්යාව 679ක් බවත්, අදාළ පැමිණිලි අතරින් 375ක් සඳහා කඩිනම් පියවර ගෙන විසඳුම් ලබාදී ඇති බවත් සඳහන්ය.
පොලිස් ළමා හා කාන්තා කාර්යාංශය යටතේ පිහිටුවා ඇති මෙම විශේෂ ක්ෂණික දැනුම්දීමේ අංශයට ලැබෙන සියලු පැමිණිලි සම්බන්ධයෙන් පැය 48ක් ඇතුළත සමීක්ෂණ පවත්වා ඒ පිළිබඳ මෙම අංශයට දැනුම් දෙන ලෙස නියෝජ්ය පොලිස්පති රේනුකා ජයසුන්දර මහත්මිය උපදෙස් ලබාදී තිබේ.
ප්රේමලාල් විජේරත්න
