රෝගී ජනතාව වැඩි වශයෙන් භාවිත කරන ඖෂධවල මිල පාලනයක් සිදුකරමින් ඒවා මිලදී ගැනීමට හැකිවන පරිදි මිල සහනයක් ලබාදිය යුතුව ඇති බව රජයේ වෛද්ය නිලධාරීන්ගේ සංගමය සෞඛ්ය බලධාරීන්ට පෙන්වා දී ඇතැයි එම සංගමයේ සභාපති වෛද්ය චමිල් විජේසිංහ මහතා ‘මව්රට’ට පැවැසීය. Sri Lanka Latest News
ඒ සඳහා ඖෂධ නියාමන අධිකාරිය යටතේ ක්රියාත්මක මිල අනු කමිටුව මගින් ඖෂධ සැපයුම් අංශ සහ ඖෂධ සැපයුම්කරුවන් අතර නිරන්තර සාකච්ඡාවල යෙදෙමින් මෙම තීරණ ගත යුතුව ඇති බවද ඒ මහතා සඳහන් කළේය.
ගෙවීගිය වසර දෙකට වඩා මේ වනවිට මිල සහනයක් ඖෂධ සඳහා ලබාදීමේ හැකියාව ඇතත් මේ දක්වා එවැනි ක්රියාමාර්ගයකට එළඹ නැති බවයි රජයේ වෛද්ය නිලධාරීන්ගේ සංගමය පෙන්වා දෙන්නේ.
මේ අතර රජයේ රෝහල්වල ඖෂධ හිඟයක් ඇතිවීමට ප්රධාන හේතුව වී ඇත්තේ රෝහල්වල සිට අදාළ ඖෂධ අඩුපාඩු ගැන නිලධාරී මට්ටමින් සම්බන්ධීකරණයක් නොමැති වීමෙන් බවයි ඔහු පෙන්වා දෙන්නේ.
ඇතැම් අවස්ථාවල රජයේ ඖෂධ ගබඩාවල ඖෂධ ඇතත්, නියමිත පරිදි රෝහල්වලට බෙදාහැරීමට වගකිව යුතු නිලධාරීන් ඉල්ලුම් කිරීමේ ප්රමාදයක්ද හේතුවී ඇති බව වෛද්ය විජේසිංහ මහතා පැවැසීය.
ප්රේමලාල් විජේරත්න
