බදුල්ල රෝහලේ පවතින ඖෂධ හිඟයක් පිළිබඳ මාධ්යයට කරුණු හෙලිකළ රජයේ වෛද්ය නිලධාරීන්ගේ සංගමයේ ඌව ප්රදේශයේ සම්බන්ධීකාරක සහ නියෝජ්ය ලේකම් වෛද්ය පාලිත රාජපක්ෂ මහතාට එරෙහිව සෞඛ්ය බලධාරීන් පියවර ගැනීමට ගෙන ඇති තීරණය ඉවත් කර නොගතහොත් ලබන සතියේ එම සංගමයේ හදිසි විධායක කමිටු රැස්වීමක් කැඳවා දැනට වඩා දැඩි වෘත්තීය ක්රියාමාර්ගයකට එළඹෙන බව එම සංගමයේ මාධ්ය ලේකම් වෛද්ය චමිල් විජේසිංහ මහතා ‘මව්රට’ට පැවැසීය.
ඒ සම්බන්ධයෙන් දැනටමත් පළාත් මට්ටමින් දිස්ත්රික් රෝහල් ඉදිරිපිට පැයක උද්ඝෝෂණ ව්යාපාරයක් ආරම්භ කර ඇති බවයි ඔහු සඳහන් කළේ.
විනය පරීක්ෂණයට භාජනය වී ඇති අදාළ වෛද්යවරයා සම්බන්ධයෙන් පරීක්ෂණ පවත්වන නිලධාරීන් අතරේ තාක්ෂණ දැනුමක් ඇති නිලධාරීන් කිසිවකු නොමැති නිසා එම විමර්ශන ව්යුහය වෙනස් කරන ලෙසද රජයේ වෛද්ය නිලධාරීන්ගේ සංගමය සෞඛ්ය බලධාරීන්ගෙන් ඉල්ලීමක් කොට ඇත.
ඖෂධ හිඟයට හේතුව සොයන්නේ නැතිව ඒවා හෙළිකරන වෛද්ය වෘත්තීය සමිතිවල නිලධාරීන් දඩයම් කර නිහඬ කිරීමේ පිළිවෙත රජයේ වෛද්ය නිලධාරීන්ගේ සංගමය ප්රතික්ෂේප කරන බවද වෛද්ය චමිල් විජේසිංහ මහතා පැවැසීය.
ප්රේමලාල් විජේරත්න
