රජයේ රෝහල්වලට ඖෂධ සැපයීමේදී ඔන්ලයින් ක්රමවේදයක් සකසා ඇතත් තවමත් එය ක්රියාත්මක නොවීම නිසා රෝගීන්ට අත්යාවශ්ය බෙහෙත් ද්රව්ය රෝහල්වලට ගලායෑමක් සිදු නොවන බව වෛද්ය ක්ෂේත්රයේ උසස් නිලධාරියකු පැවැසීය.
මෙම බෙහෙත් හිඟය පිළිබඳ ‘මව්රට’ රෝහල්වලට ඖෂධ සපයනු ලබන සැපයුම් අංශයේ නියෝජ්ය අධ්යක්ෂ ජනරාල් වෛද්ය ජී. විජේසූරිය මහතාගෙන් විමසූ විට ඔහු සඳහන් කළේ අත්යාවශ්ය බෙහෙත් වර්ග කීපයක් හැර 95%ක් ඖෂධ වර්ග දැනට ඇති බවත්, බෙහෙත් ගෙන්වීම සඳහාද අවශ්ය තරම් මුදල් ප්රතිපාදන ඇති බවයි.
ඒ සමගම මා ප්රශ්න කර සිටියේ ආතරයිටීස් රෝගීන්ට අවශ්ය ඖෂධ වර්ග දකුණු කොළඹ රෝහලට බලපා ඇති ප්රශ්නය ගැනයි. අදාළ රෝගීන් සඳහා ලබාදෙන විටමින් සී, ඩී.3, කොවයිඩ් ඇසිඩ් ඇතුළු ඖෂධ වර්ග ආතරයිටීස් රෝගීන්ට අවශ්ය නොවන බවත්, ඒවා අවශ්ය වන්නේ ගැබිනි මාතාවන්ට පමණක් බවත් ඔහු පැවැසීය.
ඒ සම්බන්ධයෙන් රජයේ වෛද්ය නිලධාරීන්ගේ සංගමයේ මාධ්ය ලේකම් චමිල් විජේසිංහ මහතා පැවැසුවේ ආතරයිටීස් රෝගීන් ගැන තීරණ ගන්නේ අදාළ විශේෂඥ වෛද්යවරුන් මිස සැපයුම් අංශයේ පරිපාලන නිලධාරීන් නොවන බවයි.
එම ඖෂධ ගැබිනි මවුවරුන්ට පමණක් සීමාවන බව පැවැසීමට ඔහුට සදාචාරාත්මක අයිතියක් නොමැති බවද චමිල් විජේසිංහ මහතා පැවැසීය.
දකුණු කොළඹ (කළුබෝවිල) රෝහලට බලපා ඇති ඖෂධ ප්රශ්නය ගැන සහ ආතරයිටීස් රෝගීන්ගේ ප්රශ්න ගැනත් සොයා බලන බව එම රෝහලේ අධ්යක්ෂිකා සාගරී කිරිවන්දෙණිය මහත්මිය පැවැසුවාය.
ප්රේමලාල් විජේරත්න
