ඉල්ලීම් කිහිපයක් මුල්කරගෙන දිස්ත්රික්ක රැසක ගොවි ජනතාව ඉදිරි දින කිහිපය ඇතුළතදී දැවැන්ත විරෝධතාවක නිරත වීමට සැලසුම් කරමින් සිටින බව ‘මව්රට’ පුවත්පතට දැනගන්නට තිබේ.
නියමිත පරිදි පොහොර සහනාධාර නොලැබීම, අස්වනු සඳහා නිශ්චිත මිලක් නොමැති වීම, වගා හානි සඳහා නිසි වන්දියක් නොලැබීම ඇතුළු කරුණු ගණනාවක් මුල්කරගෙන මෙසේ ගොවි ජනතාව විරෝධතා පැවැත්වීමට සැලසුම් කරමින් සිටින බව වාර්තා වේ.
පසුගිය සති කිහිපයේදී විපක්ෂ නායක සජිත් ප්රේමදාස මහතා අනුරාධපුරය ඇතුළු ගොවීන් බහුතරයක් වෙසෙන දිස්ත්රික්ක ගණනාවක සංචාරය කර තිබූ අතර, එහිදී ගොවීන් විසින් තමන්ට ඇති දුක්ගැනවිලි රැසක් විපක්ෂ නායකවරයා වෙත දැනුම් දීමට පියවර ගෙන තිබිණි.
එහිදී ඔවුන් විපක්ෂ නායකවරයාට වැඩිදුරටත් දැනුම් දී තිබුණේ ආණ්ඩුවෙන් මේ සඳහා මෙතෙක් නිසි පිළිතුරු ලැබී නොමැති බවත්, පාරට බැස උද්ඝෝෂණ කරනවා විනා වෙනත් විකල්පයක් තමන්ට නොමැති බවත්ය.
ඒ අනුව ඉදිරියේදී දිස්ත්රික්ක රැසක උද්ඝෝෂණ ව්යාපාරවල නිරත වීමට ගොවීන් තීරණය කොට ඇති බව දැනගන්නට ඇත.
