ඇමෙරිකානු ජනාධිපති ඩොනල්ඩ් ට්රම්ප් විසින් අපනයන භාණ්ඩ සඳහා පනවන ලද 20%ක බදු ප්රතිශතයන් හේතුවෙන් තුල්හිරියේ පිහිටි ජාත්යන්තර කීර්තියට පත් මෙරට ප්රමුඛ ඇඟලුම් ආයතනයක එක් ශාඛාවක් පසුගිය 19 වැනිදා සිට වසාදැමීමට එහි පාලනාධිකාරිය තීරණය කර ඇත.Sri Lanka Latest News
අදාළ ශාඛාවේ නිෂ්පාදනය කරනු ලබන ඇඟලුම් යුරෝපා සහ ඇමෙරිකානු රටවල් වෙත අපනයනය කළ අතර, ඉහළ ගිය බදු ප්රතිශතය හේතුවෙන් ඇණවුම් ලබාදුන් ආයතනයන්හි වියදම් වැඩිවීමත් සමග ඔවුන් ලබාදුන් ඇණවුම් ප්රමාණය ක්රමයෙන් අඩුවී මාස කීපයක් අදාළ ශාඛාවෙහි සේවකයන් හට වැටුප් ලබාදෙමින් එය තාවකාලිකව වසාදමා තිබිණි.
අදාළ ශාඛාව වසාදමන අවස්ථාව වනවිට එහි සේවකයන් එක්දහස් හාරසීයක් සේවය කරමින් සිට ඇති අතර, ඉන් පිරිසක් එම ඇඟලුම් ආයතනයේ වෙනත් ශාඛා වෙත යොමුකර ඇත.
එමෙන්ම තවත් පිරිසක් වෙත රජයේ අනුමත වන්දි මුදලට වැඩි වන්දි මුදලක් ලබාදීමට පාලනාධිකාරිය පියවර ගෙන තිබේ. තවද එම සේවකයන් හට මාස තුනක වැටුප් සහ අප්රේල් මස ප්රසාද දීමනාව ගෙවීමටද නියමිතය.
කෙසේ වෙතත් මේ සම්බන්ධයෙන් විපක්ෂ නායක සජිත් ප්රේමදාස මහතා ඉකුත් පාර්ලිමේන්තු සතියේදී විශේෂ අනාවරණයක් කරමින් කියා සිටියේ බදු ප්රතිශතයන් අඩුකර ගැනීම සඳහා ආණ්ඩුව කටයුතු නොකිරීම හේතුවෙන් තුල්හිරිය ප්රදේශයේ ප්රධාන පෙළේ කර්මාන්ත ශාලාවක් වසාදැමීමට නියමිතව ඇති බවය.
