ශ්රී ලංකාවට අවශ්ය හදිසි පනතක් හැටියට සලකා රටට අවශ්ය රූපලාවණ්ය පනතක් සම්මත කර ගැනීමට යෝජනා වී වසර 10ක් ඉක්මවා ගොස් ඇතත්, මේ දක්වාම එම පනත පාර්ලිමේන්තුව තුළ සම්මත නොකිරීමේ හේතුවෙන් මේ වන විට රට තුළ සමාජ ගැටලු රැසක් උද්ගතව ඇති බව වෛද්ය විශේෂඥවරු පෙන්වා දෙති.Sri Lanka Latest News
මෙරට වෛද්ය විශේෂඥවරුන්ගෙන් පවා මත විමසා යෝජිත පනත සකස්කර ඇති බවද, පෙන්වා දෙන වෛද්ය විශේෂඥවරු, මෙකී පනත සකස්කරනු ලැබුවේ 2015 වසරේ බවද පවසති.
එදා මෙදාතුර යෝජිත පනත සම්මත නොකිරීමෙන්, මෙරටට රූපලාවණ්ය ද්රව්ය නීති විරෝධී ලෙස ප්රමිතියකින් තොරව රට තුළට රැගෙන එන බවද, පවතින නීතිවල අඩුපාඩු නිසාවෙන්, එසේ කරනු ලබන වෙළෙඳුන්ට එරෙහිව නීතිය ක්රියාත්මක කිරීමට යාමේදී ගැටලු පවතින බවද ඔවුහු පවසති.
රූපලාවණ්ය ද්රව්ය පිළිබඳ රට තුළ උද්ගතව පවත්නා භයානක රෝග වළක්වා ගැනීමට කඩිනම් පියවර ගත යුතුව ඇති බව පෙන්වා දෙන වෛද්ය විශේෂඥවරු, දැනට හමස් පෙට්ටියේ පවතින ශ්රී ලංකා රූපලාවණ්ය පනත පිළිබඳ කඩිනමින් කරුණු සොයා බලා එය ඉතා ඉක්මනින් පාර්ලිමේන්තුවේ අනුමැතිය ලබාගත යුතු බවද අවධාරණය කරති.
මෙම පනත සම්මත කිරීම ප්රමාදවීමෙන්, දැනට පවත්නා ඖෂධ නියාමන පනතේ පවත්නා දුබල තැන්වලින් බේරී රූපලාවණ්ය ආයතන පවත්වාගෙන යන ඇතැම් පුද්ගලයින් මිනිස් සිරුරට බෙහෙවින් අහිතකර අන්දමේ, ප්රමිතියකින් පවා තොර රූපලාවණ්ය ක්රීම් වර්ග, ශරීරයට ගල්වන ආලේපන වර්ග ඇතුළු අනවසර ඖෂධ වර්ග පවා රහසිගතව රට තුළම නිෂ්පාදනය කොට, අලෙවි කරන තත්ත්වයක් දක්නට ඇති බවද වෛද්ය විශේෂඥවරු වැඩි දුරටත් අනාවරණය කරති .
මෙය බරපතළ ව්යසන තත්ත්වයක් බව පෙන්වා දෙන වෛද්යවරු රටේ ජනතාව මෙම ව්යසනයෙන් බේරාගැනීමට නම් අත්යාවශ්ය ඉක්මන් කටයුත්තක් ලෙස සලකා යෝජිත ශ්රී ලංකා රූපලාවණ්ය පනත පාර්ලිමේන්තුවට ඉදිරිපත් කොට සම්මත කරගත යුතුව ඇතැයි වෛද්ය විශේෂඥවරු අවධාරණය කරති.
නන්දන ශ්රී දොරකුඹුර
