වැඩිහිටි ජනගහනයෙන් ලක්ෂ 26කට ආසන්න ප්රමාණයකට කිසිදු ආකාරයේ ජීවත් වීම සඳහා නිශ්චිත ආදායම් මාර්ගයක් නොමැති බව මෙරට වැඩිහිටි ජනගහන විශ්ලේෂණයකදී හෙළිව ඇතැයි පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අංශයේ මහාචාර්ය වසන්ත අතුකෝරල මහතා ‘මව්රට’ට පැවැසීය. (Sri Lanka Latest News)
මේ අය අතර සැලකිය යුතු ප්රමාණයක් යම් කිසි මුදලක් ස්ථාවර තැන්පතු ලෙස බැංකුවල තැන්පත් කර එයින් ලැබෙන මාසික පොලියෙන් ජීවත් වුවද මේ වන විට රට තුළ ස්ථාවර තැන්පතු සඳහා පවතින පහළ පොලී අනුපාතය හේතුවෙන් එම ආදායම අහිමි කර ඇති බවයි ඔහු සඳහන් කළේ.
ජනගහන සමීක්ෂණය පිළිබඳ විග්රහයක යෙදෙන මහාචාර්යවරයා පෙන්වා දෙන්නේ වයස අවුරුදු 65ට වැඩි ජනගහනය පුද්ගල සංඛ්යාවෙන් මුළු ජනගහනය ප්රතිශතයක් ලෙස ගත් කල දකුණු ආසියාතික රටවල් අතරින් ලංකාවට පළමු තැන හිමිවන බවයි.
2022 එය බංග්ලාදේශයේ 6.25ක්ද, ඉන්දියාවේ 6.89ක්ද, නේපාලයේ 6.08ක්ද, පාකිස්තානයේ 4.27ක්ද, ලංකාවේ 2022 එය 11.53%ක්ද වන බව සඳහන්ය.
ඒ තුළ වයස අවුරුදු 65 ගෙවන වැඩිහිටි අය ලක්ෂ 25කට ආසන්න සංඛ්යාවක්, 65ට වැඩි පුද්ගල සංඛ්යාව මුළු ජනගහනයෙන් ප්රතිශතයක් ලෙස ලංකාවේ පැවැතියේ 7.14%ක් වන බව සඳහන්ය. මෙය සැලකිය යුතු ලෙස අවුරුදු 22ක කාලය තුළ වැඩිවීමකි.
අවුරුදු 55ට වැඩි පුද්ගලයන් ප්රමාණය ලක්ෂ 29කට ආසන්න ප්රමාණයක් මේ වන විට සිටින බව හෙළිව තිබේ.
එය මුළු ජනගහනයෙන් ප්රතිශතයක් ලෙස ගත් කල 17.5%කි. නමුත් ලංකාවේ මෙම වැඩිහිටි ජනගහනය අතරින් විශ්රාම වැටුප හිමිව ඇත්තේ 7,30,000කට පමණක් බවයි මහාචාර්යවරයා පැවැසුවේ.
එනම් එය සමස්ත වැඩිහිටි ජනගහනයෙන් 18.6%ක ප්රමාණයකි. මීට අමතරව තවත් 5,30,000කට ආසන්න ප්රමාණයකට රජය මාසයකට රුපියල් 3000ක් ලබාදෙන බවද සඳහන්ය.
මේ අනුව පොලී අනුපාතයන් මත අසාධාරණයට ලක්ව සිටින වැඩිහිටි ජනතාව ගැන රාජ්ය ප්රතිසම්පාදනය තුළ විශේෂ අවධානයකට ලක්විය යුතුව ඇති බවයි මහාචාර්ය වසන්ත අතුකෝරල මහතා පෙන්වා දෙන්නේ.
ප්රේමලාල් විජේරත්න
