පසුගිය වසර හය තුළදී නීති විරෝධීව මෙරටට ගෙන්වා රේගුවට හසුවූ වාහන 20කට අධික සංඛ්යාවක් රාජසන්තක කොට ඇතැයි රේගු අතිරේක අධ්යක්ෂ ජනරාල් සහ මාධ්ය ප්රකාශක සීවලී අරුක්ගොඩ මහතා ‘මව්රට’ට පැවැසීය. (Sri Lanka Latest News)
මෙම සිද්ධීන්වලදී පොලිසි මගින් අත්අඩංගුවට ගෙන අධිකරණයට ඉදිරිපත් කර අධිකරණය මගින් වැඩිදුර පරීක්ෂණ සඳහා රේගුවට භාරදී තිබූ වාහනද තිබූ බවයි ඔහු සඳහන් කළේ.
ඊට අදාළව රේගුවේ නිලධාරියකුගේ වැඩ තහනම් කොට ඇති බවද ඔහු පැවැසීය.
පසුගියදා රහස් පොලිසියට ලද තොරතුරු මත පසුගිය රජයේ දේශපාලනඥයන් කීප දෙනකු සහ තවත් පුද්ගලයන් කීප දෙනකු කොටස් වශයෙන් කන්ටේනර් මගින් ගෙන්වා එකලස් කර හසුවූ රුපියල් කෝටි ගණනක් වටිනා මෝටර් රථ කීපය වරායෙන් පන්නා ඇත්තේ දේශපාලන හිලකින්ද නැතහොත් රේගු හිලකින්ද යන්න ගැන පරීක්ෂණ පවත්වන්නේද යන්න ගැන ‘මව්රට’ ඔහුගෙන් විමසූ විට ඔහු සඳහන් කළේ අදාළ වාහන පිළිබඳ පරීක්ෂණ රේගුවට භාරදුනහොත් ඒ ගැන පරීක්ෂණ පැවැත්විය හැකි බවයි.
එම ජාවාරමට ඇතැම් රේගු නිලධාරීන් සම්බන්ධ වී ඇද්ද යන්න ගැන නිගමනය කළ හැක්කේ එවැනි රේගු පරීක්ෂණයකින් බවද ඔහු පැවැසීය.
ප්රේමලාල් විජේරත්න
