සෞඛ්ය සේවාවන් කඩාවැටීමට හේතු සාධක වී ඇති ඖෂධ අර්බුදය, වංචා දූෂණ අක්රමිකතා සහ මානව සම්පත් අහිමි වී විශේෂඥ වෛද්යවරුන් හිඟ වීමෙන් රෝහල් ක්ෂේත්රයට බලපා ඇති අවහිරතා පිළිබඳ රජයේ වෛද්යවරුන්ගේ සංගමය විසින් වසර ගණනාවක් තිස්සේ සිදුකළ සමීක්ෂණ වාර්තා නව සෞඛ්ය ඇමැතිවරයා වෙත ඉදිරිපත් කිරීමට සූදානමින් සිටින බව එම සංගමයේ මාධ්ය ලේකම් වෛද්ය චමිල් විජේසිංහ මහතා ‘මව්රට’ට පැවැසීය. (Sri Lanka Latest News)
එම අභියෝග ජයගෙන රෝගීන් වෙනුවෙන් ගතයුතු ක්රියාමාර්ගවලට අදාළව රජයේ වෛද්යවරුන්ගේ සංගමය සකස් කර ඇති අටවැදෑරුම් යෝජනාවලිය ඉදිරියේදී නව ඇමැතිවරයාට භාරදෙන බවද ඔහු සඳහන් කළේය.
මේ වනවිට ප්රමුඛත්වය දියයුතුව ඇති ප්රධාන කරුණ වශයෙන් එම සංගමය පෙන්වා දී ඇත්තේ විශේෂඥ වෛද්යවරුන් විශාල ලෙස රට හැරයෑමයි. එය වළක්වාලමින් ඔවුන් රට තුළ රඳවා ගැනීම සඳහා වූ ක්ෂණික වැඩපිළිවෙළක අවශ්යතාවද එම සංගමය පෙන්වා දී තිබේ.
සෞඛ්ය සේවාවේ අභියෝග ජයගැනීමට නම් සියලු ක්ෂේත්රවල නියෝජනයන්ගේ අදහස් විමසීමද මේ අවස්ථාවේ වැදගත් බවයි වෛද්ය චමිල් විජේසිංහ මහතා සඳහන් කළේ.
ප්රේමලාල් විජේරත්න
