ජාතික ලුණු සමාගමට අනුබද්ධව අලිමංකඩ ලුණු ලේවාය ආශ්රිතව ආරම්භ කරන අලිමංකඩ ලුණු කර්මාන්තශාලාව පසුගිය 29 වැනිදා විවෘත කරනු ලැබුවා. ඒ කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතාගේ ප්රධානත්වයෙන්. නමුත් එම කර්මාන්තශාලාව මීට වසර කීපයකට පෙර තමන් අමත්ය ධුරය දැරූ සමයේ ආරම්භ කරන්නට සැලසුම් කළ එකක් බව හිටපු අමාත්ය විමල් වීරවංශ මහතා පවසනවා. පසුගියදා පැවැති රැස්වීමකදී ඒ සම්බන්ධයෙන් වීරවංශ මහතා පළකළ අදහස් පහත දැක්වේ. Sri Lanka Latest News
‘මම ඇමැති කාලේ වාලච්චේන කඩදාසි සංස්ථාව අබලි යකඩවලට විකුණන්න තිබ්බේ. ඒක පටන්ගත්තා. දැන් හඳුන්නෙත්ති කියනවා ඒක එයා පටන්ගත්තලු. ලැජ්ජ නෑනේ හත්තිලව්වේ. අනුන්ගේ දරුවන්ට උප්පැන්න සහතික දෙනවනේ. ඊයේ විවෘත කළා අලිමංකඩ ලුණු ලේවාය. මම තමයි කැබිනට් පත්රිකාව දැම්මේ. මම ඇමැති කාලේ තමයි වැඩ පටන්ගත්තේ. එතැනට අලිමංකඩ ජාතික ලුණු සංස්ථාව කියන නම දැම්මෙත් මම. කලින් තිබුණේ මන්තායි ලුණු කියලා. ඒ නම වෙනස් කරලා මම ජාතික ලුණු සංස්ථාව කියලා දැම්මා. නම වෙනස් කළා විතරක් නෙවෙයි අලිමංකඩ ලුණු ලේවාය පටන්ගන්න කැබිනට් පේපර් එක දැම්මා. ඒක අනුමත වුණා.
ඊට පස්සේ ඒ ආයතනයේම මුදල්වලින් හදන්න පටන්ගත්තා ගොඩනැගිලි සහ අනෙකුත් දේවල් ටික. දැන් මේගොල්ලෝ කියනවනේ මාස හයෙන් පුළුවන්ද වැඩ කරන්න, දරුවෙක් ඉපදෙන්නත් දස මාසයක් යනවනේ කියලා. එතකොට කොහොමද හඳුන්නෙත්ති මාස හයෙන් අර බිල්ඩින් ඔක්කොම හදලා ලුණු ලේවාය විවෘත කළේ? ඒක විතරක් කොහොමද මාස හයෙන් වෙන්නේ? මම පටන්ගත්තා, ඊට පස්සේ ආපු ඇමැතිලත් ඒක නැවැත්තුවේ නෑ කරගෙන ගියා. මේ යෝධයෝ එනකොට වැඩේ ඉවර වුණා. දැන් මේගොල්ලොනේ කිව්වේ යුද්ධේ ඉවරවෙන වෙලාවේ මහින්ද ජනාධිපති හැටියට හිටියයි කියලා. අරකෙත් වැඩ ඉවරවෙන වෙලාවේ හඳුන්නෙත්ති හිටියා කර්මාන්ත ඇමැති හැටියට. දැන් මගේම කලිසම උගේ වගේ ඇඳගෙන ඌ අගේට යනවා. යන ගමන් කෝචොක් එකකුත් දානවා ඔන්න අපේ වැඩ බලන්න අයියා කියලා. මෙච්චර විලිසංගයක් නෑනේ.
ඇඹිලිපිටිය කඩදාසි සංස්ථාව වහලා තිබුණේ. මැෂින්වල වයර් ඔක්කොම ගලවලා තිබුණේ. මම රාජ්ය-පුද්ගලික හවුල්කාරීත්වයක් හැදුවා. මිලියන 500ක් නිකන් ඉඳලා කඩදාසි සංස්ථාවට මේ අවුරුද්දේ ලැබුණා ඒ ගහපු ගිවිසුම හේතුකොට ගෙන. ඒගොල්ලෝ ගෙඩිය පිටින් ඉල්ලුවා. මම කිව්වා එහෙම දෙන්න බෑ කියලා. රාජ්ය-පුද්ගලික හවුල්කාරීත්වයක්. කඩදාසි සංස්ථාවටත් මේකෙන් ආදායමක් එන්න ඕනේ. එකඟ වුණා අන්තිමට අකැමැත්තෙන්. අස්සන් කළා ගිවිසුම. දැන් කඩදාසි හදනවා බංග්ලාදේශයට පැටෙව්වා. කොහොම නමුත් ඇඹිලිපිටිය කඩදාසි සංස්ථාව වැඩ. මිලියන 500ක් නිකන් ඉඳලා කඩදාසි සංස්ථාවට ලැබුණා ගිය අවුරුද්දේ. මේකටත් කොයි වෙලාවේ හරි හඳුන්නෙත්ති ගිහින් කියයි ඔන්න අපේ වැඩක් කියලා. ආවෙත් බොරුවෙන්, ඉන්නෙත් බොරුවෙන්. ආවෙත් පච විදලා. ඉන්නෙත් පච විද විද. ඒ නිසා මේ රැවටිල්ලට උත්තර දෙන්න ඕනේ. ඒ ප්රෝඩාවට උත්තර දෙන්න ඕනේ. ඒ වංචාවට උත්තර දෙන්න ඕනේ…..’
