යාල වනෝද්යානයේ අධික වෙිගෙන් වාහන ධාවනය කරමින් ඝෝෂා කරමින් අනිසි ලෙස හැසිරුණ කල්ලියක් නොවැලැක්වූ සංචාරක මඟ පෙන්වන්නන් සහ වන නිලධාරීන්ගේ සේවය අත්හිටුවීමට තීරණය කර ඇතැයි වනජීවී හා වන සම්පත් සංරක්ෂණ අමාත්යාංශයේ ලේකම් චන්ද්රා හේරත් මහත්මිය පවසයි.
සේවය අත්හිටුවීමෙන් පසු එම නිලධාරීන් සම්බන්ධයෙන් විමර්ශනයක් පවත්වන බව කී අමාත්යාංශ ලේකම්වරිය සංචාරකයන් අතින් වන සතුන්ට පීඩාකාරී හැසිරීමක් වෙි නම් වන නිලධාරීන්ට ඊට මැදිහත්වීමට හෝ ඉහල නිලධාරීන්ට දැනුම් දීමට හැකියාව තිබුනත් මෙම සිද්ධියේ දී ඔවුන් එවැනි කිසිදු පියවරක් ගෙන නැතැයි පැවසුවාය.
වනජීවී සහ වන සංරක්ෂණ අමාත්ය මහින්ද අමරවීර මහතා පැවැසූයේ වනජීවී හා වෘක්ෂලතා ආඥා පනත යටතේ මෙම සංචාරක පිරිස සිදු කර තිබෙන්නේ බලවත් විෂමාචාරයක් බැවින් ඒ සම්බන්ධයෙන් දැඩිව නීතිය ක්රියාත්මක කළ යුතු බවයි.
අදාළ පිරිස සම්බන්ධයෙන් නඩු පැවරීමට පියවර ගන්නා ලෙස අමාත්යවරයා වනජීවී අධ්යක්ෂ ජනරාල්වරයාට මීට පෙර උපදෙස් දී තිබිණි.
අදාල පිරිස කවර තරාතිරමක අය වුවත් ඔවුන් අත් අඩංගුවට ගැනීමට කටයුතු කරන ලෙස දන්වා පොලිස්පතිවරයාට ලිපියක් යවන ලෙස ද වන ජීවී අමාත්යවරයා අමාත්යාංශ ලේකම්වරියට උපදෙස් දුන්නේය.
කෙසේවෙතත් අරුණ පුවත්පත හෙළිකර තිබූ ආකාරයට මීට සම්බන්ධ වූ බව කියන ඇමැති පුතා පිළිබදව මෙතෙක් කිසිදු ක්රියාමාර්ගයක් ගෙන නොමැත.
