ආර්.එෆ්.එම්.සුහෙල් – නුවරඑළිය
පසුගිය පළාත් පාලන මැතිවරණයේ නුවරඑළිය දිස්ත්රික්කයට අදාළ පක්ෂ කාර්යාලය විසින් මැතිවරණ කොමිෂන් සභාවට ඉදිරිපත් කළ යුතු මැතිවරණ වියදම් වාර්තාව නිසි වේලාවට ඉදිරිපත් නොකිරීම මත ගොනු කරනු ලැබූ නඩුවට අදාළව නුවරඑළිය මහේස්ත්රාත් අධිකරණයෙන් වරෙන්තු නිකුත් කර තිබූ සමගි ජන බලවේගය පක්ෂ මහලේකම් රංජිත් මද්දුමණ්ඩාර මහතා ඊයේ (29) නීතිඥවරු හරහා නුවරඑළිය මහේස්ත්රාත් අධිකරණය වෙත ඉදිරිපත් විය ,Sri Lanka Latest News
අධිකරණයට ඉදිරිපත් වීමෙන් අනතුරුව අධිකරණ සංකීර්ණයෙන් පිටතට පැමිණි සමගි ජන බලවේග මහලේකම් රංජිත් මද්ධුම බණ්ඩාර මහතා මාධ්යය වෙත අදහස් දැක්වෙමින් කියා සිටියේ මැතිවරණ කොමිෂන් සභාවේ නිසි සන්නිවේදනයක් නොමැතිකමින් කාල වේලාවන් නිකරුනේ ගතකරමින් නඩුවකට පෙනී සිටීමට සිදුවූ බවයි ,
වැඩිදුර අදහස් දැක්වූ එතම මෙසේද කිය ,
සෑම දිස්ත්රික්කයේම මැතිවරණ වියදම් වාර්තා පක්ෂ ප්රධාන කාර්යාලයට ගෙන්වාගෙන ලියාපදිංචි තැපැල් අරහා අදාළ දිස්ත්රික්කවල මැතිවරණ කොමිෂන් සභා කාර්යාලය වෙත යොමු කරනවා නුවරඑළිය දිස්ත්රික්කෙත් අපි ඒ විදිහටම හරි ව්දිහට වෙලාවට යොමු කළා ,
එම වාර්තාව නිසි වේලාවට ලැබුණේ නැහැයි කියලා තමයි නඩුව ගොනු කරලා තිබ්බේ ,
නඩුව ගොනු කරලා වරෙන්තු නිකුත් කරාට පස්සේ නැවත මැතිවරණ කොමිෂන් සභාවෙන් පොලිසියට කියලා තියෙනවා මේක හරි විදිහට ලැබිලා තියෙනවා කියලා ,
අද අපි වරෙන්තුවට ඉදිරිපත් උනා ඉදිරි නඩු දිනයක් අපිට ලැබිලා තියෙන්නේ එහිදී අපි අවශ්ය තොරතුරු ඉදිරිපත් කරලා අපේ නිර්දෝෂී භාවය ඔප්පු කරනවා .
