‘ලංකාවට හරියන්නෙ නැත්තෙ ඇයි දන්නවද? ලංකාවට හරියන්නෙ නැතිවෙන්න හේතු තියෙනවා. හරියන්නෙ නැතිවෙන්න එක හේතුවක් තමයි ඔය මිනිස්සුන්ගෙ ස්වභාවය. විජය කුමාරතුංග ඔබ මෙහෙම ළඟට දැකලා නෑනේ. ලයිව්. දකින්න අවස්ථාවක් හම්බවෙන්නෙ නෑ ඔබට. එහෙම දැක්කා නම්, මෙහෙම පිස්තෝලයක් අරන් ඒ මනුස්සයාගෙ මූණට වෙඩිතියන්න බෑ මනුස්සයෙකුට. බෑම තමයි ඒක. එහෙම වෙඩිතියන්න බෑ. මිනිහෙකුට ඒක කරන්න බෑ. හැබැයි මිනියෙ මූණ පෙන්නන්න බැරි වෙන්න, මූණට වෙඩි තියලා තමයි මැරුවෙ. කවුද මැරුවෙ කියන ඒවා මම දන්නෙ නෑ. හැබැයි ඒ වගේ සුන්දර මනුස්සයෙකුගෙ මූණට වෙඩි තියන්න පුළුවන් අපතයො ඉන්න රටකට හරියන්නෙ නෑ. හරියන්නෙම නෑ ඒ කියන සාපයක්.Sri Lanka Latest News
ඊළඟට, ලංකාවෙ වැඩිම සින්දු ප්රමාණයක් ලියපු කෙනා කවුද? වැඩිම සින්දු ප්රමාණයක්. සින්දු 7000කට එහා ලියලා තියෙනවා. මිනිහෙකුට පුළුවන්ද ඒ විදිහට සින්දු ලියන්න? ඔහු කවදාවත් කල්පනා කරලා සින්දු ලියලා නෑ. හිටිවන සින්දු ලියලා තියෙන්නෙ. ඒ වෙලාවෙ ගත්ත කොල කෑල්ල ලියුවා. ඒ වගේම සමහර සින්දු ලියන අය එක ක්ෂේත්රයක් පිළිබඳව විතරයි සින්දු ලියලා තියෙන්නෙ. එයා ලියපු සින්දු එක ක්ෂේත්රයක නෑ. ඊළඟට සමහර අය සින්දු ලියන අය සමහර ගායකයන්ට විතරයි සින්දු ලියලා තියෙන්නෙ. ඒ මම මේ කියන එක්කෙනා සින්දු ලියපු නැති ගායකයෙක් හෝ ගායිකාවක් ලංකාවෙ නෑ. 7000ක් ලියනකොට අනිවාර්යයෙන් හැමෝටම එකක් හරි එනවනෙ. ඊට පස්සෙ සමහර සින්දු ලියලා තියෙන්නෙ ගුවන් විදුලියෙ නව ගීත කියලා වැඩසටහන යන්න ගායකය ඇවිල්ලා ඉන්නවා, සින්දුවක් නෑ. මිනිහා ටක් ගාලා ඒ වෙලාවෙ සින්දුව ලියලා දෙන්නෙ. තව පොඩ්ඩකින් රෙකෝඩින්. හරි? ඒ තමයි ප්රේමකීර්ති ද අල්විස්. ප්රේම් අයියා.
ප්රේමකීර්ති ද අල්විස්ගෙ කටට වෙඩි තියලා මැරුවෙ, ගෙදරින් අරන් ගිහින්. කටට පිස්තෝලෙ දාලා වෙඩි තියලා. සින්දු 7000ක් ලියපු මනුස්සයා. ඒ ලංකාවට හරියන්නෙ නෑ නේද මොන ආණ්ඩුව ආවත්? ඒකට හේතුව තමයි විජය කුමාරතුංගගෙ මූණට වෙඩි තියපු, ප්රේමකීර්ති ද අල්විස්ගෙ කටට වෙඩි තියපු ජාතියකට කවදාවත් ගොඩයන්න බෑ. මේක මාර සාපයක්. ඔය සිදුවීම් දෙකක් විතරයි. තව ගොඩක් තියෙනවා. තව ගොඩක් තියෙනවා. කවුරු කළා වුණත්. සුද්දෙක් ඇවිල්ලා වෙඩි තිබ්බෙ නෑනෙ. මෙහේ එකෙක්නෙ. ඉතින් හරියන්නෙ නෑ රටට.’
තිස්ස ජනනායක
