පසුගිය මාර්තු මාසයේ මෙරට චීන තානාපති කී ෂෙන්හොන් ලංකාව තුළ චීන, ඉන්දියා, ශ්රී ලංකා ත්රිමාන සහයෝගිතාවක් යෝජනා කළේය. කලාපයේ උන්නතියට මේ සහයෝගිතාව වැදගත් බවත් ඔහු කියා සිටියේය. ඔහු එම ප්රකාශය කළේ ඉන්දියාව චීන ඍජු විදේශ ආයෝජන සඳහා පනවා තිබූ සීමා අයින් කළාට පසුවය. චීන තානාපති මෑතකදීත් චීන-ඉන්දියා-ශ්රී ලංකා ත්රිමාන සහයෝගිතාවයේ වැදගත්කම යළිත් අවධාරණය කළේය.Sri Lanka Latest News
කී ෂෙන්හොන් චීන තානාපතිවරයා ලංකාවේ දීර්ඝ කාලයක් සිටි චීන තානාපතිවරයාය. ඔහු මෙරට චීන තානාපති ලෙස වැඩ භාරගත්තේ චීනය මහත් බලාපොරොත්තු තබා තිබූ ගෝඨාභය රාජපක්ෂ ජනාධිපති වූ කාලයේය. ගෝඨා ජනාධිපති ආරක්ෂක ලේකම් ධුරය දරන කාලයේ වීමට පෙර ආරක්ෂක ලේකම් ධුරය දරන කාලයේ ඉන්දියාව සමග ප්රශ්න ඇතිකරගෙන තිබූ අතර, ඔහු 2015-2019 විපක්ෂයේ සිටි කාලයේ කිහිප වරක්ම චීනයට ගියේය. ඔහු චීනයේ අධ්යාපන පාඨමාලාවකටද සහභාගි විය. එහෙත් චීනය බලාපොරොත්තු නොවූ ලෙස ගෝඨාභය ජනාධිපති වූ පසු ඉන්දියාවට හිතවත් විය. ඔහු පළමු රාජ්ය සංචාරය ලෙස ඉන්දියාව තෝරාගත් අතර චීනයට එන ලෙස කළ ආරාධනය කොවිඩ් මත තබා ප්රතික්ෂේප කළේය. මෙයින් චීනයේ සිත පෑරුණි.
ගෝඨාභය සේම චීනය අනුර කුමාර ගැනද ලොකු බලාපොරොත්තු තබා තිබිණි. එයට හේතුව චීනය සහ ජවිපෙ අතර පක්ෂ මට්ටමින් තිබූ සම්බන්ධයය. එය දිගුකාලීන සම්බන්ධයකි. එයටත් වඩා චීන කොමියුනිස්ට් පක්ෂය සහ ජවිපෙ මතවාදය අතර සමානකමය. එහෙත් ගෝඨා මෙන්ම අනුරද ජනාධිපති වූ පසු ඉන්දීය හිතවාදී ප්රතිපත්තියකට මාරු විය. වෙනකක් තබා චීනයට චීන පර්යේෂණ නැව් සඳහා පනවපු තහනම ඉවත් කරවාගත නොහැකි විය.
මෙරට චීන තානාපති ජනාධිපතිවරු තිදෙනෙක් යටතේ සේවය කර තිබේ. ඒ, ගෝඨාභය, රනිල් සහ අනුරය. චීන පර්යේෂණ නැව් තහනම පැනවූයේ රනිල්ය. ගෝඨාභය උතුරේ දූපත්වල චීනය යෝජනා කළ බලශක්ති ව්යාපෘති නතර කළේය. ලංකාවට ආනයනය කළ පොහොර නැවේ පොහොර බාල යැයි කියා චීනය අපහසුතාවට පත් කළේය. රනිල් චීන පර්යේෂණ නැව් තහනම් කළේය. රනිල් පටන්ගත් චීන ආයෝජනයක් වූ තෙල් පිරිපහදු ව්යාපෘතිය අනුරගේ ආණ්ඩුව යටතේ තවමත් ක්රියාත්මක වී නැත.
මෙයින් පේන්නේ ඉන්දියාවේ රාජ්යතාන්ත්රික මෙහෙයුම් ඉදිරියේ චීන තානාපතිවරයාගේ අසරණභාවයය. චීන තානාපතිවරයා ත්රිමාන කෝපරේෂන් එකක් ගැන කතා කරන්නේ එම අසරණභාවය නිසාද දන්නේ නැත. නමුත් චීන ආරංචි මාර්ග කියන්නේ මාස 6කින් සේවය අවසන් කරන ලෙස චීනය තානාපතිවරයාට දැනුම් දී ඇති බවය.
