ආර්.එෆ්.එම්.සුහෙල් – නුවරඑළිය
ශ්රී ලංකාවේ බ්රිතාන්ය මහ කොමසාරිස් ඇන්ඩෲ පැට්රික් (Andrew Patrick) මහතා අද (28) උදෑසන නුවරඑළිය ඓතිහාසික සිතාඑළිය ශ්රී සීදයි අම්මන් කෝවිලට පැමිණ එහිදී විශේෂ පූජාවක් පවත්වා ආශිර්වාද ලබා ගත්තේය.Sri Lanka Latest News
බ්රිතාන්ය රජය හා ශ්රී ලංකාව අතර පැවැත්වෙන සබඳතා ඔස්සේ උඩරට කඳුකර ප්රදේශ සංවර්ධන කටයුතු පිළිබඳ සොයා බැලීමට සහ නුවරඑළිය දිස්ත්රික් මහජන නියෝජිතයින්ගෙන් අදහස් ලබා ගැනීම වෙනුවෙන් නුවරඑළිය දිස්ත්රික්කයට නිල සංචාරයක් සදහා පැමිණි අවස්ථාවේදී මෙලෙස ආශිර්වාද ලබා ගැනීමට නුවරඑළිය සීතා අම්මන් කෝවිලටද පැමිණ ඇත ,
නුවරඑළිය සීතා අම්මන් කෝවිල වෙත පැමිණි බ්රිතාන්ය මහ කොමසාරිස්වරයා නුවරඑළිය දිස්ත්රික් පාර්ලිමේන්තු මන්ත්රී සහ කෝවිල් භාරකාර සභාවේ සභාපති වේළුසාමී රාධාක්රිෂ්ණන් මහතා සහ භාරකාර මණ්ඩල ලේකම් ශිවා ගුණසේකරම් මහතා විසින් පිළිගෙන විශේෂ ආශිර්වාද පූජාව සඳහා සහභාගි කරවීමට කටයුතු කළේය ,
පූජාවෙන් අනතුරුව සීතා අම්මන් කෝවිලේ ඉතිහාසය පෞරාණිකත්වය සහ පිහිටීම පිළිබඳව බ්රිතාන්ය මහ කොමසාරිස්වරයා කරුණු අධ්යයනය කළ එහි පැමිණ සිටි දෙස් විදෙස් සංචාරකයන් සමඟ සුහද කතාබහක ද නිරත වී සිටියේය ,
ඉන් අනතුරුව කෝවිල වෙත පැමිණෙන රාජතාන්ත්රිකයන්ගේ සටහන් පොතෙහි මහ කොමසාරිස්වරයා විශේෂ සටහනක්ද තැබීමට කටයුතු කළ අතර සීතා අම්මන් කෝවිල වෙත පැමිණෙන රාජ්යතාන්ත්රිකයන් වෙත පිරිනමනු ලබන විශේෂ සිහිවටන ප්රදානයක්ද බ්රිතාන්ය මහ කොමසාරිස්වරයා වෙත කෝවිල් භාරකාර මණ්ඩලයේ සභාපති පාර්ලිමෙන්තු මන්ත්රී වේළුසාමි රාධාක්රිෂ්ණන් මහතා සහ ලේකම් සිවා ගුණසේකරන් මහතා විසින් සිදු කරනු ලැබීය .
