උතුරේ දෙමළ මාධ්යවේදීන් දෙදෙනෙක් විසින් පල කරන ලද වාර්තාවක තොරතුරු ලබා දුන් මුලාශ්ර හෙළි කරන ලෙස පොලිසිය කළ බල කිරීමක් එම මාධ්යවේදීන් දෙදෙනාම ප්රතික්ෂේප කර තිබෙන බව වාර්තා වෙනවා. Sri Lanka Latest News
යාපනයේ, නිදහස් මාධ්යවේදී තම්බිදුරෙයි ප්රදීපන් හා කිලිනොච්චියේ, නිදහස් මාධ්යවේදී ටී.පරමසිවන් ජුනි 21 වැනිදා ප්රකාශ කළේ තම රාජකාරිය සම්බන්ධයෙන් කිලිනොච්චි නියෝජ්ය පොලිස්පති කාර්යාලයේ පැය දෙකක පමණ කාලයක් තිස්සේ ප්රශ්න කිරීම්වලට මුහුණදුන් බවයි කියන්නේ.
ජුනි 2 වැනිදා යාපනයේ නැගෙනහිර වඩමාරච්චි යේ ක්රීඩා සමාජයක සාමාජිකයන් සමඟ පැවති රැස්වීමක් අතරතුර පොලිස් බුද්ධි අංශ සාමාජිකයකු විසින් දෙමළ ජාතික ජනතා පෙරමුණේ (TNPF) නායක, පාර්ලිමේන්තු මන්ත්රී ගජේන්ද්ර කුමාර් පොන්නම්බලම්ට පහරදීමට උත්සාහ කරන ආකාරයත්, තවත් අයකු විසින් පිස්තෝලයක් එල්ල කරන අයුරුත් දැක්වෙන තොරතුරු වාර්තා කළ ආකාරය සහ එම සිදුවීම සම්බන්ධයෙන් තොරතුරු ලබා දුන්නේ කවුද යන්න මේ දෙදෙනාගෙන් විමසා ඇත්තේ.
තොරතුරු මුලාශ්රය හෙළි කිරීමට නොහැකි බව ඔවුන් දෙදෙනාම පොලීසිය හමුවේ පවසා තිබෙනවා.
අදහස් පලකිරීමේ නිදහසට ආණ්ඩුව දිගටම බාධා කරන්න යන බව තමන් පොලිසි කැඳවීමෙන් හොඳින් පෙනී යන බව කී ටී. පරමසිවන් තමන් සිදු කළ වාර්තාකරණය සම්බන්ධයෙන් පොලීසිය මෙලෙස ප්රශ්න කිරීම එම මර්දනයේම ආරම්භක පියවරක් ලෙස හෙලා දකින ලෙස ඉල්ලා සිටිනවා.
“මේක බලනකොට මාධ්ය මර්දනය වෙන්න පුළුවන්. ඉස්සරහට එන්න තියන නීති වලින් මර්දනය තවත් බරපතල වෙන්න පුළුවන් කියන එක තමයි අපිට තියන ප්රශ්නේ. ඒ වගේම මේක ආරම්භක අවස්ථාව වෙන්න පුළුවන් කියන එක තමයි මට කියන්න තියෙන්නේ” යි තම්බිදුරෙයි ප්රදීපන් කියා සිටිනවා.
