අනුරාධපුරය අවුකන බුද්ධ ප්රතිමා වහන්සේට වස්ත්රයක් පැලඳවීමේ සිද්ධිය සම්බන්ධයෙන් මේ වන විට විමර්ශනයක් අරඹා ඇතැයි බුද්ධශාසන, ආගමික හා සංස්කෘතික කටයුතු අමාත්ය විදුර වික්රමනායක මහතා පවසයි.Sri Lanka Latest News
පුරාවිද්යා දෙපාර්තමේන්තුව පවසන්නේ පුරාවිද්යාත්මක වටිනාකමක් සහිත ප්රතිමාවක පවතින ස්වභාවය වෙනස් කිරීම දඬුවම් ලැබිය හැකි වරදක් බවය.
ඒ අනුව අනුරාධපුර පුරාවිද්යා සහකාර අධ්යක්ෂවරයා සහ කලාප නිලධාරීවරයා සිද්ධිය පිළිබඳ තොරතුරු රැස්කිරීමට පුදබිම වෙත පිටත්කර යවා ඇති බව පුරාවිද්යා දෙපාර්තමේන්තුව පවසයි.
එම දෙපාර්තමේන්තුව සඳහන් කරන්නේ, පුරාවිද්යා ආඥා පනතට අනුව පුරාවිද්යා ස්මාරකයක හෝ ප්රතිමාවක පවතින ස්වභාවය වෙනස් කිරීම දඬුවම් ලැබිය හැකි වරදක් බවය.
එමෙන්ම ඊට එරෙහිව අධිකරණ ක්රියාමාර්ග ගැනීමේ හැකියාවක් පවතින බවද එම දෙපාර්තමේන්තුව සඳහන් කරයි.
අනුරාධපුර යුගයේ ඉදිකෙරුණු අවුකන බුද්ධප්රතිමාවට මෙරට ”හිටි බද්ධ ප්රතිමා වහන්සේ ”අතුරින් හිමිවන්නේ සුවිශේෂී ස්ථානයකි.
ක්රිස්තු වර්ෂ 5 වැනි සියවසේ ධාතුසේන රජතුමන් මෙම ප්රතිමා වහන්සේ නිර්මාණය කරවූ බව ඉතිහාසයේ සඳහන්ය.
ප්රතිමාවේ සිවුරේ රැලි ඉතා පැහැදිලිව දිස් වන අයුරින් ඉතා සියුම්ව විශිෂ්ට ලෙස කැටයම් කර තිබීමත් එහි සමබරතාවත් හේතුවෙන් එය සැලකෙන්නේ මෙරට අතීත කලාශිල්පයේ අද්විතීය බව පෙන්නුම් කෙරෙන නිර්මාණයක් ලෙසය.
පුරාවිද්යාත්මක වටිනාමකමක් සහිත දෙස් විදෙස් සැදැහැවතුන්තේ වන්දනාවට පාත්රවන අවුකන බුද්ධ ප්රතිමා වහන්සේට වස්ත්රයක් පැළඳවීමට පිරිසක් කටයුතු කරන අයුරු දැක්වෙන ඡායාරූප කිහිපයක් අද සමාජ මාධ්ය ඔස්සේ සංසරණය වුණි.
ඇතැම් පුද්ගලයින් ප්රතිමා වහන්සේ මතට නැඟී එම වස්ත්රය පළඳවන ආකාරය ද එහි දක්නට ලැබුණි.
