අද සමාජයේ මිලේච්ඡත්වය මිනිමරු කණ්ඩායම් පාතාල කණ්ඩායම් සමාජය ගොදුරු කරගෙන ඇති බවත් නීතිය වල්වැදී කැලෑ නීතිය ක්රියාත්මක වන බවත් රටේ යුක්තිය සාධාරණත්වය මත කේන්ද්ර ගත වූ නීතියේ සාධාරණත්වයක් ක්රියාත්මක නොවන බවත්, අත්අඩංගුවට ගැනීමට නියෝග කළ පොලිස්පතිවත් හොයා ගන්න බැරිවූ බවත් එවැනි තත්ත්වයක් මත වත්මන් රජයේ බුද්ධි ක්ෂේත්රයේ කුසලතාව සිතාගත හැකි බවත් අධිකරණය තුළ වෙඩි තබා මනුෂ්ය ඝාතන සිදු කිරීමේ කුමන්ත්රණයේ සැකකාරියව මේ මොහොත වනතුරු සොයා ගැනීමට නොහැකි වී ඇති බවත් මේ නිසා ජනතා ආරක්ෂාව මෙන්ම ජාතික ආරක්ෂාව ද පලුදු වී ඇති බවත් විපක්ෂ නායකවරයා පැවසීය.Sri Lanka Latest News
මේවා ගැන කියද්දි ජාතික ආරක්ෂාවට ගැටලුවක් නෑ කිව්වත් පසුගිය දිනක දෙවිනුවර පවා ද්විත්ව මිනිමැරුමක් ක්රියාත්මක වූ බවත් සෑම තැනම මිනිමරු කල්ලි ව්යාප්ත වී බියෙන් සැකෙන් තොරව ජීවත් වීමේ අවස්ථාව ජනතාවට අහිමි වී ඇති බවත් පොහොසත් රටක් ලස්සන ජීවිතයක් හදනවා කියා බලයට පැමිණි මාලිමාව අද ජීවත් වෙන්න බැරි රටක් නම් නිර්මාණය කර පාතාලයට යට වුණු ජීවිතයක් ගොඩනගා ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ඉදිරි පළාත් පාලන මැතිවරණය වෙනුවෙන් අනුරාධපුර දිස්ත්රික්කයේ සමගි ජන බලවේගයේ අපේක්ෂකයන් සමග පැවැති හමුවකදීය.
පාලකයාගේ වගකීම ගොවියා රජ කරවීම වුවත් මේ පාලකයන් නම් ගොවියා තවත් වලට ඇද දානවා
කෘෂිකර්මාන්තය බහුලව ක්රියාත්මක වන අප රටේ කෘෂිකර්මාන්තය ශක්තිමත් කර කෘෂිකර්මාන්තය තුළින් දළ දේශීය නිෂ්පාදනයට වැඩි දායකත්වයක් ලබා දීම රාජ්ය පාලනය බාර ගන්න සියලු දෙනාගේ අරමුණ වුවත් ගොවියා අපේක්ෂා කළ දේ වුනාද කියා ගැටලුවක් ඇති බවත් ගොවියාට පොහොර සහනාධාරය පවා කලට වේලාවට නොලැබුණු බවත් කෘෂි උපකරණවල මිල ඉහළ යෑම ආපදා නිසා වන අලි මිනිස් ගැටුම නිසා වන්දි පවා හරියට නොලැබෙන බවත් එසේ ලැබුණු වන්දි පවා ප්රමාණවත් නොවන බවත් මේ ගැටලුවලට රටේ ජනතාව උත්තර සොයන විට ගොවියාට කරනවා කියූ සේවාව ඉටු නොවූ බව පෙනෙන්නට ඇති බවත් විපක්ෂ නායකවරයා පැවසීය.
වීවලට දුන් සහතික මිල ප්රමාණවත් නැහැ
වීවලට ලබා දෙන ස්ථාවර මිල ප්රමාණවත් කියා රජය තීරණය කරත් වගා හානිය නිසා අලි මිනිස් ගැටුම නිසා ආපදා නිසා විවිධ කාලගුණ දේශගුණ විපර්යාස නිසා අහිමි වූ අස්වැන්න ගැන නොබැලූ බවත් පොහොර මිල කුලිය දෙස බලන විට වී සදහා ලැබුණු සහතික මිල ගැන නම් සෑහීමකට පත්විය නොහැකි බවත් මේ සහතික මිල ලබා දුන්නේ පොඩි මිනිසා තලා පෙලා පොඩි කර මෝල් හිමියන් රජ කරවන්න බවත් විපක්ෂ නායකවරයා පැවසීය.
සහල් ආනයනය කරන්නෑ කියා බලය ලැබුණු විගසම සහල් ආනයනය කළ බවත් රට බත බුලතින් ස්වයංපෝෂිත කරන සහන් ආනයනය නොව අපනයන කරන යුගයක් බිහි කළ යුතු බවත් ජනාධිපතිවරයා ප්රමුඛ ආණ්ඩුවේ කතාවයි ක්රියාවයි අතර පරස්පරයක් ඇති බවත් කියන දේ කරන්නේ නැති බවත් විපක්ෂ නායක සජිත් ප්රේමදාස මහතා පැවසීය.
අද රැකියා විරහිත උපාධිධාරින් අනාථ කරලා
ලංකාවේ රැකියා විරහිත උපාධිධාරීන් 35000ක් සිටින බවත් මැතිවරණ සමයේ සම්මන්ත්රණ පවත්වා දේශන ලබා දී රැකියා විරහිත උපාධිධාරීන් රවටා ඡන්දය ලබා ගෙන අද ඔවුන් අමතක කර ඇති බවත් ඔවුන්ගේ තැන හදා ගෙන රැකියා ගැටලු විසදනවා කියා පවසා අද රැකියා විරහිත උපාධිධාරීන් අනාථ කර ඇති බවත් මාලිමා රජයේ ප්රතිපත්ති ප්රකාශයේ පවා මේ රැකියා ලබා දෙන ආකාරය සදහන් කර තිබුනත් අද සියල්ල කඩවුණු පොරොන්දු වී ඇති බවත් විපක්ෂ නායකවරයා පෙන්වා දුන්නේය.
