මේ වනවිට කොළඹ ආරක්ෂාව සහ නීතිය සම්බන්ධයෙන් බරපතළ ගැටලු ගණනාවක් මතුව ඇති බවට විපක්ෂයේ දේශපාලඥයන් රැසක් චෝදනා කර සිටිති.
ඊට හේතු වශයෙන් ඔවුන් පෙන්වා දෙන්නේ ඉකුත් ජුලි 09 වැනි දින ගෝඨාගෝගමට මහදවල් එල්ල වූ ප්රහාරයත් සමග කොළඹ නගරයේ නීතිය බරපතළ කඩාවැටීමකට ලක්ව ඇති බවකි.
ඒ සම්බන්ධයෙන් මෙතෙක් කිසිවකු හෝ අත්අඩංගුවට ගෙන නොමැති අතර එදින රාත්රී මැතිඇමැතිවරුන්ගේ නිවාස ගිනි තැබීමත් සමග මෙය ඉතා දරුණු තත්ත්වයකට පත්විය.
කෙසේවෙතත් ඉන් අනතුරුවද කොළඹ නගරය කේන්ද්ර කොටගෙන බරපතළ සිදුවීම් ගණනාවක් සිදුවුවද ඊට සම්බන්ධ සැකකරුවන් කිසිවකුත් මෙතෙක් අත්අඩංගුවට ගෙන නොමැත.
පෙරේදා රාත්රියේ අරගලයේ ඉදිරියෙන් සිටි සමාජ මාධ්ය ක්රියාකාරිකයකු වූ ඩිලාන් සේනානයකට ඔහුගේ නිවසේදීම පිහි ප්රහාරයක් එල්ල කර තිබූ අතර ඒ සමබන්ධයෙන් මෙතෙක් කිසිවකුත් අත්අඩංගුවට ගෙන නොමැත.
එමෙන්ම ඊයේ දින ප්රකට ව්යාපාරිකයකු වූ දිනේෂ් ෂාෆ්ටර් පහර දී ඝාතනය කර තිබිණ.
