අමෙරිකා එක්සත් ජනපදය විසින් 7031 (c) වගන්තිය යටතේ තවත් ශ්රී ලංකා හමුදා නිලධාරීන් දෙදෙනෙකුට මානව හිමිකම් සම්බන්ධ සම්බාධක පැනවූ බව, එක්සත් ජනපද රාජ්ය දෙපාර්තමේන්තුව සිකුරාදා නිවේදනය කළේය.
ඒ, ශ්රී ලංකා නාවික හමුදාවේ බුද්ධි නිලධාරියෙකු වන චන්දන හෙට්ටිආරච්චි මහතා සහ ශ්රී ලංකා යුද හමුදාවේ හිටපු මාණ්ඩලික සැරයන්වරයකු වූ සුනිල් රත්නායක යන නිලධාරීන් දෙදෙනාටය.
චන්දන හෙට්ටිආරච්චිට එල්ල වී ඇති චෝදනාව වන්නේ 2008-2009 කාලයේදී ත්රිකුණාමලයේ පුද්ගලයන් 11 දෙනකුගෙන් 8 දෙනකුගේ නිදහස සදහා ඇති අයිතිය ප්රතික්ෂේප කරමින් මානව හිමිකම් උල්ලංඝනය කිරීමය.
2000 දෙසැම්බරයේදී අවම වශයෙන් දෙමළ ගම්වැසියන් අට දෙනෙකුගේ නීති විරෝධී ඝාතනවලට සම්බන්ධ වීම සුනිල් රත්නායකට එල්ල වී ඇති මානව හිමිකම් චෝදනා වේ.
“ඔවුන් සහ ඔවුන්ගේ සමීපතම පවුලේ සාමාජිකයන් නම් කර ඇති අතර ඔවුන් එක්සත් ජනපදයට ඇතුල් වීමට නුසුදුසුය” යනුවෙන් රාජ්ය දෙපාර්තමේන්තුවේ ප්රකාශය පවසයි.
“මෙම ශ්රී ලාංකික පුද්ගලයින් දෙදෙනා නම් කිරීම ශ්රී ලංකාවේ මානව හිමිකම් බරපතල ලෙස උල්ලංඝනය කිරීම් සම්බන්ධයෙන් වගවීම සඳහා අප ගන්නා එකම ක්රියාමාර්ගය නොවේ” යනුවෙන්ද එම නිවේදනයේ දැක්වේ.
