දකුණු පළාතේ සංවිධානාත්මක අපරාධ කල්ලි සාමාජියකු වන “ගන්දර සමන්” නැමැත්තා ටී 56 උණ්ඩ යෙදි හැකි ගිනිඅවියක්, ටී 56 උණ්ඩ 12 ක් හා කඩුවක් සමග විශේෂ කාර්ය බලකායේ තංගල්ල කඳවුරේ භට කණ්ඩායමක් විසින් අත්අඩංගුවට ගනු ලැබීය.
සැකකරු සම්බන්ධයෙන් ලැබුණු තොරතුරකට අනුව තලල්ල දකුණ ප්රදේශයේ නිවසක් සෝදිසි කිරීමේ දී සැකකරු ගිනි අවිය සමග අත්අඩංගුවට ගෙන ඇත.
අත්අඩංගුවට ගත් සැකකරු (49) හැවිරිදි වියේ පසුවන බවත්, ඔහු වැඩිදුර පරීක්ෂණ සදහා ගන්දර පොලිසියට බාර දී ඇත.
මේ අතර ප්රධාන පෙලේ සංවිධානාත්මක අපරාධකරුවෙක් ලෙස සැලකෙන දැනට විදේශයකට පැනගොස් සිටින ‘කළු සාගර’ නැමැත්තාගේ ගෝලයෙක් වන ‘ආමි අමිල’ නැමැත්තා පොලිස් විශේෂ කාර්ය බලකාය අත්අඩංගුවට ගෙන තිබේ.
එම පුද්ගලයා සන්තකයේ තිබී හෙරොයින් මිලි ග්රෑම් 3,780 ක් සහ තහනම් කඩුවක් ද අත්අඩංගුවට ගෙන තිබේ.
මෙම පුද්ගලයා 2004 වර්ෂයේ දී වීරකැටියෙ සුනිල්, 2004 වර්ෂයේ දී වීරකැටියෙ ධර්මේ 2005 වර්ෂයේ දම්පල ගජනායක සහ 2015 වර්ෂයේ දී පල්ලිකුඩා උක්කුං වෙඩි තබා ඝාතනය කිරීම ඇතුළු අපරාධ රැසකට සම්බන්ධ බව පොලිසිය කියයි.
