ඉන්දියාවේ ආන්ද්රා ප්රදේශ් ප්රාන්තයේ චිත්තූර් දිස්ත්රික්කයට ඇදහැලෙන අධික වැසි තත්ත්වය යටතේ ප්රදේශ ගණනාවක් ජලයෙන් යට වී ඇති අතර තිරුමාලා සහ තිරුපති ප්රදේශවලට ඉන් දැඩි බලපෑම් එල්ල වී ඇති බව විදෙස් මාධ්ය වාර්තා කරයි.
ඉන්දියාවෙන් ලැබෙන රූප රාමුවල දැක්වෙන්නේ සුනාමි අවස්ථාවක දී මෙන් එකවර මහා ජල කඳක් එම ප්රදේශවලට ගලා එන ආකාරයයි.
එම ප්රදේශවල ජනතාව මේවන විට සිය දිවි ගලවා ගැනීම සඳහා උන් හිටිතැන් අතහැර උස් ස්ථාන වෙත ගමන් කරමින් සිටින බව වාර්තා වේ.
මේ අතර ඉන්දියාවේ මෙන්ම මෙරට ජනතාව අතර ද ප්රසිද්ධ සිද්ධස්ථානයක්වන තිරුපති කෝවිල ද ජලයෙන් යටවී ඇති බව වාර්තා විය.
ශුද්ධ වූ කඳු පෙළක් ලෙස සැළකෙන තිරුමාලා කඳු මුදුනේ සිට මහා ජල කඳක් පහළට ගලා එන ආකාරය එම ප්රදේශයෙන් ලැබෙන වීඩියෝ දසුන්වල දැක්වේ.
මෙම තත්ත්වය මත කෝවිල වසා දැමීමට කටයුතු කිරීමටයි තිරුපති කෝවිලෙහි භාරකාරීත්වයට සිදුව තිබුණු අතර ඉකුත් (18) රාත්රියෙහි කෝවිලෙහි අභ්යන්තරය ද ජලයෙන් පිරී ගිය බව වාර්තා වේ.
කෝවිල තුළ ඇති ජලය පොම්ප මගින් ඉවත් කිරීමට එහි බලධාරීන් උත්සහ දරමින් සිටින බව ඉන්දීය මාධ්ය වාර්තා කර ඇත.
මේ අතර කෝවිල වෙත පිවිසෙන මාර්ග ද ජලයෙන් යටවී හෝ නාය යෑම් වැනි තත්ත්වයන්ගෙන් අවහිර වී හෝ පවතින බව පැවසේ.
Heavy rains in Tirupat it leads to floods at Tirumala Hills
— Minority JanaSainyam (MJS)™ (@MinorityMjs) November 18, 2021
Lord Venkateshwara Please Be Kind On Your Devotees 🙏 Please Save Them From This #TirupatiRains #TirumalaTirupatiDevasthanampic.twitter.com/ppScAMZcFL
