මැලේසියාවේ සෙන්තූල් ප්රදේශයේ දී ශ්රී ලාංකිකයින් තිදෙනෙකුව ඝාතනයට ලක්වී තිබේ. (Sri Lanka Latest News)
ඝාතන සිදුකර ඇත්තේ ද ශ්රී ලාංකිකයින් දෙදෙනකු බවට සැක කෙරෙන අතර, ඔවුන් අත්අඩංගුවට ගැනීම සඳහා විමර්ශන ආරම්භ කර ඇති බව එරට ක්වාලාලම්පූර් පොලීසිය ප්රකාශ කර ඇත.
22 රාත්රියේදී සෙන්තූල් ප්රදේශයේ ශ්රී ලාංකික යුවළකට අයත් නිවසකදී මෙම ඝාතන සිදුවී ඇති බව විදෙස් මාධ්ය වාර්තා කරයි.
20 හැවිරිදි එම යුවළගේ පුත්රයා සහ නිවසේ කුලී පදනම මත රැඳීසිටි ශ්රී ලාංකිකයින් දෙදෙනෙකු මෙලෙස ඝාතනයට ලක්වී ඇති බව විදෙස් මාධ්ය තවදුරටත් වාර්තා කරයි.
මීට දින 02කට පමණ පෙර තවත් ශ්රී ලාංකිකයින් දෙදෙනෙකු අදාළ නිවසට පැමිණ ඇති අතර, ඔවුන් මෙම ඝාතන සිදුකර පළාගොස් ඇති බවට මැලේසියානු පොලීසිය සිදුකළ මූලික විමර්ශනවලදී අනාවරණය වී තිබේ.
අසල්වාසීන්ගෙන් ලද තොරතුරු මත පොලීසිය එම නිවසට පැමිණ ඇති අතර එහිදී හිස් ආවරණ කර, අත් පා බැඳ ඝාතනය කර තිබූ පුද්ගලයින් තිදෙනාගේ මළසිරුරු සොයාගෙන ඇත.
එම ශ්රී ලාංකිකයින් දෙදෙනාගේ ඡායාරූප ද පොලීසිය විසින් මාධ්ය වෙත නිකුත් කර තිබුණි.
adaderana