මුල්ය වංචාවක් සම්බන්ධයෙන් බන්ධනාගාර ගතවී සිටින තිළිණි ප්රියමාලී නම් අයට බන්ධනාගාරය තුළ සිදුවන අමානුෂික සැලකිලි පිළිබඳ ඇගේ නීතිඥවරුන් විසින් අද (06) මානව හිමිකම් කොමිසමට පැමිණිල්ලක් ඉදිරිපත් කරනු ලැබුවා.
පැමිණිල්ල මගින් පෙන්වා දෙනු ලබන්නේ ඇයට ශාරීරික මෙන්ම මානසික වශයෙනුත් බන්ධනාගාර නිලධාරීන් පීඩා කරන බවයි.
ඊයේ රාත්රියේ තිළිණි ප්රියමාලි රඳවා තිබෙන සිර කුටියට පැමිණි බන්ධනාගාර නිලධාරිනියන් පරික්ෂාවක් කිරීමට සිදුව ඇති බවත්, ඇයගේ රාත්රී ඇඳුම ඔසවන ලෙසටත් අණකර තිබෙන බවයි එම පැමිණිල්ලේ සඳහන් වන්නේ.
ඇයගේ යෝනි මාර්ගයට විදුලි පන්දම් ඇතුළු ඇති බවත් අදාළ පැමිණිල්ලේ සඳහන්.
එම පැමිණිල්ල පිළිබඳ මාධ්ය වෙත අදහස් දැක්වූ තිළිණි ප්රියමාලිගේ නීතිඥ මංජු ශ්රී චන්ද්රසේන මහතා මෙලෙස සඳහන් කර සිටියා.
“සැකකාරියක් වන තිළිණි ප්රියමාලිට බන්ධනාගාරය තුළදී සිදුවන මානව හිමිකම් උල්ලංඝන කිරීම් සම්බන්ධයෙන් පැමිණිල්ලක් සිදුකළා.
බන්ධනාගාරයේ ඉන්නවා බන්ධනාගාර පොලීසිය. ඒකට විශේෂයෙන් හඳුන්වන නමක් තියෙනවා බන්ධනාගාර හදිසි ප්රතිචාර උපක්රමික බලකාය. ඔවුන් සිදුකරන්නේ බන්ධනාගාරයේ යම් නීතිවිරෝධී දෙයක් සිදුවෙනකොට පරීක්ෂා කිරීම් සහ විවිධ කටයුතු සිදුකරනවා. ඔවුන් පසුගිය 24 වනදා ඇයව අවස්ථා 3කදී පරීක්ෂාවට ලක්කරලා තියෙනවා.
ඒ පරීක්ෂා කිරීමේදී සාමාන්ය කාර්ය පටිපාටියෙන් බැහැරව ඇයගේ ඇඳුම් ඉවත් කරලා ලිංගික ප්රදේශ පවා පරීක්ෂා කරලා තියෙනවා. මෙහිදී ඇයගේ ලිංගික ප්රදේශවලටත් තුවාළ සිදුවෙලා තියෙනවා. පසුව රෝහල්ගත කිරීමක් සිදුවෙලා තියෙනවා. මෙම අසාමාන්ය සැළකිල්ල තුළ ඇයගේ මානව හිමිකම් කඩවෙලා තියෙනවා කියන චෝදනාව කරනවා, සාමාන්යයෙන් මෙවැනි පරීක්ෂා කිරීම් සිදුකරද්දී බන්ධනාගාරයේ විවිධ උපකරණ තියෙනවා.
ලිංගික ප්රදේශ පරීක්ෂා කරන්නේ තාක්ෂණික උපකරණ යොදාගෙන. නමුත් මේ තිළිණි ප්රියමාලි පරීක්ෂා කිරීමේදී ඇඳුම් ඉවත්කරලා භෞතිකව පරීක්ෂා කිරීම් සිදුකරලා තියෙනවා. මෙම තත්ත්වය පැහැදිළිවම සිරකරු අයිතිවාසිකම් උල්ලංඝනය කිරීමක්. එසේම ඇයට වෙනස්කොට සැලකීමක්.”