අද (23) සමගි ජන සන්ධාන ප්රධාන කාර්යාලයේදී පැවැති මාධ්ය හමුවට සහභාගි වූ හිටපු පාර්ලිමේන්තු මන්ත්රී එස් එම් මරික්කාර් මහතා මෙසේ අදහස් දැක්වීය.Sri Lanka Latest News
‘‘රටේ දේපළ මුදල් කොල්ල කාපු හොරුන් අල්ලනවාට අමතරව රටේ ජනතාව වර්තමාන රජයෙන් බලාපොරොත්තු වුණ දේවල් බොහොමයක් තිබෙනවා. ඒ වගේම අලුත් ආණ්ඩුවක් බලයට පත්වුණාට පසුව ජනතාව බලාපොරොත්තු වෙනවා ජනතාවගේ ජීවන බර සැහැල්ලු කරන්න අලුත් ආණ්ඩුව වැඩපිලිවෙළක් සකස් කරයි කියලා.
ඒ වගේම රටේ මුදල් දේපල හොරකම් කළ හොරුන්ව නීතියේ රැහැනට කොටු කරගන්නවාට අමතරව වර්තමාන ආණ්ඩුව රටේ ආර්ථිකය ශක්තිමත් කරන්නේ කෙසේද , සමාජයේ වෙනසක් ඇති කරන්නේ කෙසේද , රටේ විවිධ ක්ශ්රේත්ර දියුණු කරන්න ගන්න ක්රියාමාර්ග මොනවාද , රටේ ආදායම් මාර්ග වැඩි කරන්නේ කෙසේද , බදු අඩු කරන්නේ කෙසේද , භාණ්ඩ මිල අඩු කරන්න කරන්නේ කෙසේද කියලා මැතිවරණ වේදිකාවල කියපු දේවල් තවම ක්රියාත්මක කරන ආකාරයක් පෙනෙන්න නෑ.
ඒ වගේම වර්තමාන ආණ්ඩුව ප්රකාශ කරනවා විපක්ෂයක් අවශ්ය නෑ කියලා. රටේ සිටින බහුතරයක් වර්තමාන ආණ්ඩුව නියෝජනය කරන්නේ නෑ. ඒ නිසා ප්රජාතන්ත්රවාදය ආරක්ෂා කිරිම ආණ්ඩුවක මූලික වගකීමක්. ඒ වගේම රටේ ප්රජාතන්ත්රවාදය රැක ගැනීමට කටයුතු කිරිම ජනතාව සතු වගකීමක්. රට නිවැරදි මාවතකට ගෙනියන්න නම් රටට ප්රබල විපක්ෂයක් අවශ්ය වෙනවා. ගෝඨාභය රාජපක්ෂට පාර්ලිමේන්තුවේ බහුතර බලයක් ලබාදිලා සිදුවුණ දේ අපි කවුරුත් දන්නවා. අත්තනෝමතික ආණ්ඩුවක් නිර්මාණය කරලා පොහොර තහනම ගෙනල්ලා රටේ නිෂ්පාදනය අඩාල කරලා දැම්මා , අත්තනෝමතික ලෙස මුදල් අච්චු ගහලා උද්ධමනය වැඩි කරලා භාණ්ඩවල මිල ඉහළ දැම්මා , ඒ නිසා රටේ ජනතාවටට ඉන්ධන නොමැති වුණා , විදුලිය නොමැති වුණා , ණය වාරික ගෙවා ගැනිමට නොහැකිව අවසානයේ රට බංකොලොත් වුණා.
ඒ වගේම කොමියුනිට්ස් පක්ෂවල අවසාන ඉලක්කය වෙන්නේ විපක්ෂයක් නොමැතිව තනි පාලනයක් රටේ ඇති කිරිමයි. එය රටේ ප්රජාතන්ත්රවාදයට අනතුරුදායකයි. රටේ ජනතාවගේ අයිතිවාසිකම් වෙනුවෙන් පෙනී සිටින්න , ඒ වෙනුවෙන් කතා කරන්න , ඒ වෙනුවෙන් සටන් කරන්න රටකට අනිවාර්යෙන්ම විපක්ෂයක් අවශ්ය වෙනවා. රටේ ප්රජාතන්ත්රවාදය ආරක්ෂා කර ගන්න ඉදිරිපත් වෙන්න කියලා අපි රටේ ජනතාවගෙන් ඉල්ලා සිටිනවා. ඒවගේම රට තුළ තුලිත පාලනයක් ඇති කිරීමට කටයුතු කිරිම ජනතාවගේ වගකීමක්.‘‘
