විද්යා විෂයය උගන්වමින් සිටින අතරතුර 12 හැවිරිදි පාසල් සිසුවියකගේ පියයුරු ස්පර්ශ කිරීමෙන් එම සිසුවියට ලිංගික අතවරයක් සිදුකළ බවට අධිකරණය හමුවේ චෝදනා ලබා සිටි දැනට සක්රිය රාජකාරියේ නිතර විදුහල්පතිවරයකු එකී චෝදනාවට වරද පිළිගගෙන ඇත. (Sri Lanka Latest News)
ඒ අනුව, ඔහුට වසරක බරපතල වැඩ සහිත සිර දඬුවමක් නියම කර, එය වසර පහකට අත්හිටුවීමට අනුරාධපුර ප්රධාන මහෙස්ත්රාත් සහ අතිරේක දිසා විනිසුරු නාලක සංජීව ජයසූරිය මහතා නියෝග කළේය.
ඊට අමතරව පැමිණිලිකාර සිසුවියට රුපියල් පනස් දහසක වන්දියක් ගෙවන ලෙසටද ප්රධාන මහේස්ත්රාත්වරයා විත්තිකාර විදුහල්පතිවරයාට නියෝග කරනු ලැබීය.
2016 වසරේ අගෝස්තු මස 15 වැනි දින හෝ ඊට ආසන්න දිනයක වයස අවුරුදු 12 ක පමණ දැරියකගේ පියයුරු ස්පර්ශ කිරීමෙන් ලිංගිත අතවරයක් සිදුකරමින් මෙම අපරාධමය වරද සිදුකර ඇති බවට අනුරාධපුර මූලස්ථාන පොලිසියේ ළමා හා කාන්තා කාර්යංශය, දණ්ඩ නීති සංග්රහයේ 345 වැනි වගන්තිය ප්රකාරව විත්තිකාර විදුහල්පතිවරයාට එරෙහිව අනුරාධපුර ප්රධාන මහේස්ත්රාත් අධිකරණය හමුවේ නඩු පවරා තිබිණි.
lankadeepa
