නුවරඑළිය නවාතැන් පොලකදී අභිරහස් ලෙස මිය ගිය අම්පාර රෝහලේ සේවයේ නිරතව සිටි භෞත චිකිත්සකවරියගේ සිරුර තෙල්දෙණියට රැගෙනවිත් තෙල්දෙණිය රෝහල් රථ ගාලේ මෝටර් රථයක දමා පළාගිය ඇගේ පෙම්වතා ඔහුගේ බිරිඳ සමඟ කොටුකර ගැනිමට හැකිවී ඇත්තේ අපරාධ පරික්ෂණ දෙපාර්තමේන්තුව විසින් කල දුරකථන දත්ත විශ්ලේෂණයකිනි.Sri Lanka Latest News
ආන්දෝලනයට තුඩුදුන් එම මරණය ගැන නුවරඑළිය පොලීසිය විසින් විමර්ශන පැවැත්වූවත් සැකකරු සැඟව සිටින ස්ථානයක් පැහැදිලිවම හෙළිකර ගැනීමට නොහැකිවීම හේතුවෙන් පොලිස්පති නීතීඥ ප්රියන්ත වීරසූරිය මහතා විසින් විමර්ශනයේ තාක්ෂණික කොටස අපරාධ පරික්ෂණ දෙපාර්තමේන්තුවේ පරිගණක විමර්ශන අංශයට භාරදී ඇත.
සැකකරු ඔහුගේ දුරකථනය භාවිතා කර ඇත්තේ පොලිස් විමර්ශනවලට හසුනොවන ආකාරයටය. එහෙත් අපරාධ පරීක්ෂණ දෙපාර්තමේන්තුවේ නිලධාරින් දීර්ඝ ලෙස කළ තාක්ෂණික මෙහෙයුමක ප්රතිඵලයක් ලෙස සැකකරු ගමන් කරන මාර්ග මෙන්ම රැදී සිටින ස්ථානද නිරික්ෂණය කර තිබේ. ඒ් අනුව ඉකුත් 23 වෙනිදා රාත්රී කාලයේ ඔහු වැල්ලවත්තේ සිට යාපනය බලා ධාවනය වන බස් රථයකින් ගමන් කරමින් සිටින බව තහවුරුකරගෙන ඇත. ඒ් බව පොලිස්පතිවරයාව දැනුවත් කිරිමෙන් අනතුරුව බස් රථය හඹාගොස් සැකකරු අල්ලා ගැනීමේ වගකීම පානදුර වලානේ පිහිටි මධ්යම දූෂණ මර්දන ප්රහාරක බලකායට භාරදී තිබේ.
ඒ් අනුව එහි අධ්යක්ෂ සහකාර පොලිස් අධිකාරි රොහාන් ඔ්ලුගල මහතා විසින් පොලිස් කණ්ඩායමක් ඒ් සඳහා යොමුකර ඇත. එම කණ්ඩායම බස් රථයට කිට්ටු කිරීමට පෙර බස් රථය යාපනයට ලඟවී තිබේ. ඒ් වන විටත් අපරාධ පරික්ෂණ දෙපාර්තමේන්තුවේ පරිගණක අංශය සජීවීව සැකකරුගේ ගමන් මග නිරික්ෂණය කරමින් සිට ඇත. ප්රමාදය පසුතැවිල්ලට හේතුවක් වනු බව දැන සිටි බැවින් බස් රථය යාපනයට ළඟාවන විට ඒය පරීක්ෂාකර සැකකරු අත්අඩංගුවට ගැනිමේ වගකීම පවරා ඇත්තේ යාපනය කොට්ඨාස අපරාධ විමර්ශන කාර්යාංශයටය. බස් රථය යාපනය නැවතුම් පොලේ නතරකරන විට යාපනයේ පොලිස් නිලධාරින් ඔහුව අත්අඩංගුවට ගෙන ඇති අතර පානදුර වලානෙන් පැමිණි කණ්ඩායමට ඔහුව පසුව භාරදී ඇත. එම සැකකරු සහ බිරිඳ සමඟ සිව් හැවිරිදි දරුවාද සිට ඇති බවත් ඔවුන්ව පසුව පානදුර වලානේ පොලිස් කන්ඩායම විසින් නුවරඑළිය පොලිස් කණ්ඩායමට භාරදී තිබේ.
සැකරුගෙන් කළ ප්රශ්න කිරීමේදී පවසා ඇත්තේ පෙම්වතිය නුවරඑළිය නවාතැන් පොලේදී එල්ලී සියදිවි හානිකරගෙන ඇති බවය. තමා කාමරයට යන විටත් ඇය එල්ලී මියගොස් සිට ඇති බවද ඔහු පවසා ඇත. එහෙත් මෙතෙක් කර ඇති විමර්ශන වලින් පෙනී ගොස් ඇත්තේ ඒම මරණය ගෙල සිරකිරිමකින් සිදුව ඇති බවය.
එහෙත් සැකකරු ප්රශ්න කිරීමේදී පවසා ඇත්තේ තමන් පොලීසියට භාරවීමට ද සූදානමින් සිටි බවය.
සැකකරු අත්අඩංගුවට ගන්නා විට ඔහු බොරු කොණ්ඩය ඉවත්කර වෙස්මාරුකරගෙන සිට ඇත.
සැකකරුගේ විවහාක බිරිඳද වෙස් මාරුකරගෙන මුස්ලිම් කාන්තාවක් ලෙස සිට ඇත.
සැකකරු තරුණියන් විශාල පිරිසක් රවටා කෝටි ගණන් මුදල් වංචාකර ඇති බවත් ඒ සියල්ලක්ම සිදුව ඇත්තේ බිරිඳගෛ්ද අනුදැනුම ඇතිව බව විමර්ශන වලින් පෙනී ගොස් තිබේ. කාන්තාවන් රවටා මුදල් වංචා කිරීම ඔවුන් වෘත්තියක් ලෙස කරගෙන ගොස් ඇති බවද පෙනී ගොස් තිබේ.
