ගාල්ල, කරාපිටිය ප්රදේශයේදී අණ නොතකා ධාවනය කළ ත්රීරෝද රථයකට පොලීසිය පසුගියදා වෙඩිතබා තිබුණි. Sri Lanka Latest News
එම ත්රීරෝද රථය පැදවූ රියදුරා අද (24) උදෑසන පියදිගමට ආසන ප්රදේශයේ දේවලයක් අසලදී දුම්රියකට පැන සියදිවි හානිකරගෙන ඇති බව පොලීසිය පවසයි.
පොලීසිය පැවසුවේ ගාල්ලේ සිට මරදාන දක්වා ගමන් කළ දුම්රියකට ගෙළ තබා එලෙස සියදිවි හානිකරගෙන ඇති බවය.
එම පුද්ගලයා වයස අවුරුදු 31ක පමණ පුද්ගලයෙක් බවත් හපුගල, වක්වැල්ල ප්රදේශයේ පදිංචිකරුවෙක් බවත් පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය.
“පොද්දල පොලිස් වසමේ මාර්ග බාධකයක් ක්රියාත්මක කරන අවස්ථාවකදී ත්රීරෝද රථයක් ගමන් කරමින් තිබුණා. මේ ත්රීරෝද රථය නවතා පරීක්ෂාකරන අවස්ථාවේදී එහි සිටි එක් පුද්ගලයෙක් පොලීසියෙන් මිදී පළාගියා. ඒ වගේම ත්රීරෝද රථයේ සිටි පුද්ගලයා ත්රිරෝද රථයෙන් පළා යෑමට කටයුතු කළා. එම රියදුර ත්රිරෝද රථයෙන් පළා යන අවස්ථාවේදී පොලීසිය විසින් වෙඩිතැබුවා. පසුව මෙම ත්රීරෝද රථය අනතුරට පත් වුණාට පස්සේ ඔහු එය අතරමඟ අතහැරදමා පළා ගිහින් තිබුණා. ත්රීරෝද රථය අතමැද දමා පළාගිය සැකකරු තමයි මේ අකාරයට අද දින දුම්රියට පැන සියදිවි නාසාගෙන තිබෙන්නේ.”
