පසුගිය බදාදා රාත්රියේ ඇමෙරිකානු ධවල මන්දිරය මගින් සිය වෙබ් අඩවියේ ලංකාවට පනවන තීරුබදු සම්බන්ධයෙන් වන ට්රම්ප්ගේ ලිපියේ දැකගන්නට ලැබුණු විශේෂම සිදුවීමක් වූයේ ජනාධිපති අනුර කුමාර දිසානායක මහතාගේ නම වෙනුවට එහි ජනාධිපති ‘අරුණ කුමාර දිසානායක‘ මහතා යනුවෙන් සටහන්ව තිබීමය. Sri Lanka Latest News
සාමාන්යයෙන් ඕනෑම රාජ්ය නායකයකු වෙනත් රටක රාජ්ය නායකයකු අමතා ලිපියක් යොමුකරන්නේ නම් ඒ රාජ්ය නායකයාගේ නම නිවැරැදිව සඳහන් කිරීම ඔහුට කරන ගෞරවයක් වශයෙන් සැලකෙන්නකි.
නමුත් ධවල මන්දිර වෙබ් අඩවියේ පළකළ ලිපියෙහි ශ්රී ලංකා ජනාධිපතිවරයාගේ නම සටහන් වී තිබුණේ වැරදි ආකාරයටය.
මෙය මුලින්ම දුටුවේ ඇමෙරිකාවේ ශ්රී ලංකා තානාපතිවරයා වන මහින්ද සමරසිංහය. එම වැරැද්ද දුටු සැණින් මහින්ද කළේ වහාම ධවල මන්දිරයට කතා කොට ඔවුන් කර තිබූ එම වැරැද්ද පෙන්වා දීමය. එය බරපතළ අත්වැරැද්දක් බවද, රාජ්ය නායකයකුට කළ අපහාසයක් බවත් මෙහිදී මහින්ද ධවල මන්දිර බලධාරීන්ට පෙන්වා දුන්නේය.
ඒ සමගම ධවල මන්දියර බලධාරීන්ද තමන්ට සිදුවූ අත්වැරැද්ද නිහතමානීව පිළිගෙන වහාම ඒ වෙනුවෙන් සමාව අයැදීමට කටයුතු කිරීම විශේෂ සිදුවීමක් විය.
එපමණක් නොව ජනාධිපතිවරයාගේ නම නිවැරැදිව සඳහන් කොට ධවල මන්දිර වෙබ් අඩවියේ නැවත පළකිරීමටත්, එහි මුල් පිටපත තානාපති මහින්ද වෙත ලබාදීමටත් ධවල මන්දිර බලධාරීන් පියවර ගෙන තිබිණි.
