මාධ්ය වාර්තාවලට අනුව රාජ්ය අංශයේ සේවකයන්ගේ වැටුප් වැඩි කිරීමට අගමැතිවරයා තීරණයක් ගෙන නැති බව අග්රාමාත්ය මාධ්ය අංශය දැනුම් දී සිටිනවා.
ඉදිරි අතුරු සහන අයවැය මගින් සෞඛ්ය හා අධ්යාපනය අමාත්යාංශය හැර සියලුම අමාත්යාංශවල ප්රතිපාදන අඩු කර සහන ලබාදීමට කටයුතු කරනු ඇති බවයි වැඩිදුරටත් සඳහන් කර සිටින්නේ.
ලංකාදීප සහ අද පුවත්පත් යනු රනිල් වික්රමසිංහ මහතාගේ මාමා වූ රංජිත් විජයවර්ධන මහතාට අයත් පුවත්පත් දෙකකි. විජයවර්ධන මහතාගේ පුත්රයා වන රුවන් විජයවර්ධන මහතා රනිල්ට ඥාතීත්වයෙන් මස්සිනා වන අතර හෙතෙම එජාපයේ් නියෝජ්ය නායකයාද වෙයි.
අද පුවත්පත වාර්තා කළ
ලංකාදීප වාර්තා කළ අයුරු
සහන අය වැයෙන් පඩිය වැඩි වෙයි
(අංජුල මහික වීරරත්න)
ජීවන වියදම වැඩි වීමට මුහුණ දීම සඳහා සහන අය වැයෙන් රජයේ සේවකයින්ගේ මාසික වැටුප වහාම ක්රියාත්මක වන පරිදි වැඩි කිරිමට අග්රාමාත්ය රනිල් වික්රමසිංහ මහතා තීරණය කර තිබේ.
අමාත්ය රනිල් වික්රමසිංහ මහතා මෙම තීරණය ගෙන ඇත්තේ දිනෙන් දින වැඩිවන ජීවන වියදමට මුහුණ දීම සඳහා රජයේ සේවකයන්ට ශක්තියක් දීම සඳහා ය.
2015 වසරේ දී යහපාලන රජය බලයට පත් වූ විගස දින සියයක් ඇතුළත රජයේ සේවකයින්ගේ වැටුප රුපියල් 10,000 කින් වැඩි කිරීමට පියවර ගත් අතර මේ අවස්ථාවේදී කාලයත් සමඟ ජීවන වියදම වැඩි වීම සැලකිල්ලට ගෙන රාජ්ය සේවක පඩි වැඩි කිරීම කළ යුතු බව අයවැය යෝජනා සකසන නිලධාරීන්ට අග්රාමාත්ය රනිල් වික්රමසිංහ මහතා දැනුම් දී තිබේ.
මෙම රාජ්ය සේවකයන්ගේ වැටුප් වැඩි කිරීමට සමාන්තර ලෙස පෞද්ගලික අංශයේද වැටුප් වැඩිකරන ලෙස රනිල් වික්රමසිංහ මහතා අයවැය ඉදිරිපත් කරමින් ඉල්ලා සිටීමට නියමිතය.
