වනාතමුල්ල ආශ්රිතව දිගින් දිගටම මෑතකදී වෙඩි තැබීම් සහ විවිධ අපරාධ සිදුවීමත් මත්ද්රව්ය ජාවාරම විශාල ලෙස මෙම ප්රදේශය ආශ්රිත ව්යාප්ත වී තිබීමත් හේතුවෙන් පොලිස් ස්ථානයක් වනාතමුල්ලේ ස්ථාපිත කිරීමට මේ වන විට තීරණය කර තිබෙනවා.Sri Lanka Latest News
එම පොලිස් ස්ථානය සඳහා වනාතමුල්ලේ අධික ජනඝනත්වයක් ඇති සහස්පුර ඇතුළු තට්ටු නිවාස සංකීර්ණ රැසක් පිහිටි භූමියට ආසන්නයේම ඇති ගොඩනැගිල්ලක් මේ වන විටත් තෝරා ගෙන අවසන්.
වනාතමුල්ල පොලිස් ස්ථානය ලෙස එම පොලිසිය ළඟදීම විවෘත කෙරෙනු ඇතැයිද පොලිස් මූලස්ථාන තොරතුරු වාර්තා කරනවා.
ඊට අමතරව වනාතමුල්ලේ පොලිස් විශේෂ කාර්ය බලකා කඳවුරක්ද ස්ථාපිත කිරීමට මේ වන විට තීරණය කර තිබෙනවා.
බොරැල්ල, වනාතමුල්ල, සිරිසර උයන නිවාස සංකීර්ණ ක්රීඩාංගනයේදී දෙදෙනෙකු ඝාතනය කරමින් වෙඩි ප්රහාරය එල්වන අවස්ථාවේදී ඒ ආසන්නයේ පොලිස් සෝදිසි මුරපොලක් ක්රියාත්මක වෙමින් තිබී ඇතැයි එම වෙඩි තැබීම සම්බන්ධයෙන් විමර්ශන පවත්වන පොලිස් කණ්ඩායම් අනාවරණය කරගෙන තිබෙනවා.
ධර්මාශ්රම විහාරස්ථානය ආසන්නයේ පැවති එම පොලිස් මුරපොළ හා ප්රහාරය එල්ලවූ ස්ථානය අතර දුර මීටර් 100ක්වත් නැති බවයි පැවසෙන්නේ.
ඒ ආසන්නයේ ඇති වේළුවන විද්යාලයේ කොටසක පොලිස් විශේෂ කාර්ය බළකායේ නිලධාරීන් පිරිසක්ද රැඳී සිට තිබෙනවා.
එම පිරිස අග්රාමාත්ය ආරක්ෂක අංශයට අනුයුක්තව සේවයේ නිරතව සිටින කණ්ඩායමක් වන අතර එම කණ්ඩායම දෛනිකව නවාතැන් ගනු ලබන්නේ එම විද්යාලයේ.
වෙඩි ප්රහාරය එල්ල වූ ස්ථානය සහ පාසල අතර දුර මීටර් 200ක් වත් නැති බවයි පැවසෙන්නේ.
එබැවින් නිතරම මෙම ප්රදේශයේ පොලිස් විශේෂ කාර්ය බළකායේ නිලධාරීන් රැගත් ඩිපෙන්ඩර් ඇතුළු වාහන ගමන් කරනවා.
එසේ තිබියදීත් පොලිස් විශේෂ කාර්රය බලකා නිලධාරීන් මෙන්ම පොලිස් මුරපොළද මගහැර පැමිණ මෙම වෙඩි තැබීම සිදුකර ඇතැයි අනාවරණය වනවා.
වෙඩික්කරු රැගත් යතුරුපැදිය පැමිණි දිසාව පැහැදිලිව අනාවරණය වී නැතත් වෙඩික්කරුවන් ගමන් කළ මාර්ගය ප්රදේශවාසීන්ගේ තොරතුරු මත හඳුනා ගැනීමට පොලිසිය සමත්ව තිබෙනවා.
එම මාර්ගය කිසිදු ආරක්ෂක කැමරාවකින් ආවරණය නොවන බවයි පැවසෙන්නේ.
ඒ අනුව විමර්ශන නිලධාරීන් සැක කරන්නේ වෙඩික්කරුවෝ රැගෙන පැමිණ යතුරුපැදිකරු වනාතමුල්ලේ මාර්ග ගැන හොඳ අවබෝධයක් ඇති අයෙක් විය හැකි බවයි.
බොහෝ විට යතුරුපැදිකරු එම ප්රදේශයේම පදිංචිකරුවෙක් විය හැකි බවට සැක කරන තොරතුරුද ලැබී තිබෙනවා.
මෙම වෙඩි තැබීමෙන් තුවාල ලබා කොළඹ ජාතික රෝහලට ඇතුළත් කර සිටි එක් අයෙක් අද රෝහලින් පිටව ගොස් ඇති අතර දැඩිසත්කාරය ඒකකයේ සිටි දෙදෙනාගෙන් එක් අයෙක්ද සාමාන්ය වාට්ටුවකට මාරු කර තිබෙන බව රෝහල් ආරංචිමාර්ග පවසනවා.
මෙම වෙඩි තැබීමෙන් අනතුරුව දින තුනක් පුරාවට මුළු වනාතමුල්ලම ආවරණය වන ලෙස පොලිසිය ,යුද හමුදාව පොලිස් විශේෂ කාර්ය බළකාය අඛණ්ඩ සෝදිසි මෙහෙයුමක් දියත් කළා.
ඊට මුල්වන්නේ වෙඩි වැදීමෙන් මුලින් මියගිය පුද්ගලයාගේ අවසන් කටයුතු සිදුවන දින යම් සිදුවීමක් වීමට ඉඩ ඇති බවට බුද්ධි තොරතුරු ලැබී තිබූ බැවින්.
