ෆොන්සේකා පිළිබඳව සමගි ජනබලවේගය නිල වශයෙන් තීරණයක් ගෙන නොමැති බව සජබ ජාතික සංවිධායක තිස්ස අත්තනායක මහතා පැවසීය.Sri Lanka Latest News
ඒ මහතා මාධ්ය හමුවේ අදහස් දක්වමින් මෙසේ කියා සිටියේය.
‘‘ෆිල්ඩ් මාර්ශල් සරත් ෆොන්සේකා පිළිබඳව සමගි ජනබලවේගය නිල වශයෙන් තීරණයක් අරගෙන නෑ. ෆොන්සේකා පිළිබඳව සමගි ජනබලවේගයේ කෘත්යාධිකාරී මණ්ඩලය , පාර්ලිමේන්තු මන්ත්රී කණ්ඩායම , කළමනාකරණ මණ්ඩලය යන ස්ථාන වලින් සාකච්ඡා කර තිරණයකට පැමිණිය යුතුයි. නමුත් සරත් ෆොන්සේකා පිළිබඳව ඒ කිසිදු ස්ථානයක සාකච්ඡාවෙලා නෑ. පක්ෂයක විනය පක්ෂයේ සභාපතිට , ලේකම්ට ඇතුළු සියලු සාමාජිකයන්ට වලංගු දෙයක්. කුමන හෝ ගැටලුවක් තිබෙනවානම් ඒ පිළිබඳව කතා කළයුතු ස්ථාන වල කතා කිරිම වැදගත්. ගැටුම්කාරී තත්ත්වයන් වර්ධනය වීමට ඉඩ නොදි සාකච්ඡා කර විසදුමක පැමිණිම තමයි සුදුසුම කටයුත්ත. පක්ෂයක් සමඟ කටයුතු කිරිමේදී පක්ෂයේ නීති රිතිවලට සහ පක්ෂයේ ව්යවස්ථාව අනුව කටයුතු කළ යුතුයි. එසේ කටයුතු නොකිරිමෙන් පක්ෂය සමඟ මත ගැටුම් ඇතිවෙන්න පුලුවන්.
සරත් ෆොන්සේකා හැසිරෙනවා වගේ හැසිරිම් පාක්ෂිකයන් අනුමත කරන්නේ නෑ. පාක්ෂිකයන්ට ඕන මතභේද මතවාද නැතිව දේශපාලඥයින් රට වෙනුවෙන් වැඩ කරනවා දකින්න.
පාක්ෂිකයන්ට අවශ්ය වෙන්නේ පක්ෂය ජයග්රහනය කරවන්න. තීරණාත්මක මොහොතක පක්ෂයේ සමගිය ඉතාම වැදගත් දෙයක්. විපක්ෂ නායකවරයා රට පුරා ගිහින් පක්ෂය වෙනුවෙන් විශාල කැප කිරීමක් කරනවා. ඔහු කරන එම කාර්ය භාරය ආරක්ෂා කිරිම මහජන නියෝජිතයන්ගේ සහ පක්ෂයේ නිලධාරින්ගේ වගකීම.’ යැයි ඒ මහතා කියා සිටියේය.
