සුපිරි පොහොසතුන්ට බිලියන 700-800ක ණය ලබා දී රාජ්ය ආදායම දළ දේශීය නිෂ්පාදිතයට ප්රතිශතයක් ලෙස සියයට 12 සිට 8ට අඩු කර ෆිච්, මූඩීස් සහ ස්ටෑන්ඩර්ඩ් ඇන්ඩ් පුවර් ශ්රේණිගත කිරීම්වලින් අප රට පහළ දමන කොට වත්මන් රජයේ ආර්ථික ඔස්තාර්ලා හිනා වෙවි හිටි බවත් මොවුන්ට මේ යථාර්ථය පැහැදිලි කිරිමට දින 7ක විවාදයක් අවශ්ය බවත් විපක්ෂ නායකවරයා පැවසීය. Sri Lanka Latest News
මේ ආර්ථික විශේෂඥයන් නිසා රාජ්ය ආදායම සියයට 12 සිට 8ට දක්වා අඩු වූ බවත් බන්දුල ගුණවර්ධන නම් මහා ආර්ථීක විශේෂඥයාගේ පොතට අනුව සෞභාග්යයේ දැක්මක් හදපු නිසා රටට මේ තත්ත්වය උදා වූ බවත් එබැවින් සිංහල, දමිළ හෝ ඉංග්රීසි යන භාෂා ත්රිත්වයෙන්ම විවාදයකට තමා සූදානම් බවත් විපක්ෂ නායකවරයා පැවසීය.
එසේම 2015ත් 2019ත් අතර ගත් ණයවලින් සියයට 89ක් පමණ වැය කළේ 2005ත් 2015ත් අතර ණයවල පොලිය ගෙවීමට බවත් එබැවින් මොවුන් කියනා බොරු පිළිගත නොහැකි බවත් මෙසේ බොරු කියන ආර්ථික විශේෂඥයන්ගෙන් අධ්යාපනය ලබන දරුවන් සම්බන්ධයෙන් දුකක් ඇති වන බවත් විපක්ෂ නායක සජිත් ප්රේමදාස මහතා අද (24) පාර්ලිමේන්තුවේදී පැවසීය.
