ආර්ථික අර්බුදයක් පවතින අවස්ථාවක මුදල් අමාත්යවරයා මාස තුනකින් මේ සභාවට පැමිණ ජනතාවට උත්තරදී නැති හෙයින් ඔහු වහාම සභාවට කැඳවන්නැයි විපක්ෂයේ ප්රධාන සංවිධායක ලක්ෂ්මන් කිරිඇල්ල මහතා කතානායක මහින්ද යාපා අබේවර්ධන මහතාගෙන් පාර්ලිමේන්තුවේදී අද (10) ඉල්ලීමක් කළේය.
ඔහුගේ මෙම ඉල්ලීමත් සමග ආණ්ඩු පක්ෂයේ සහ විපක්ෂයේ මන්ත්රීවරුන් අතර ඇතිවූ සංවාදයක් නිසා මැතිසබයේ උණුසුම් තත්වයක් අද පෙරවරුවේ ඇතිවිය.
රට බංකොළොත්වී තිබෙන අවස්ථාවක මුදල් අමාත්යවරයා මේ සභාවට පැමිණ ජනතාව වෙනුවෙන් කරුණු දැක්විය යුතු වුවත් ඔහු එම අවස්ථාව මගහැර සිටින බවත් මුදල් ඇමැතිවරයා පාර්ලිමේන්තුවට අවසන් වරට පැමිණ ඇත්තේ පසුගිය වසරේ දෙසැම්බර් මස 10 වැනිදා බවත් කිරිඇල්ල මහතා මෙහිදී පැවසුවේය.
ගරු කථානායකතුමනි, අපේ රටේ ව්යවස්ථාවේ 148වන වගන්තිය යටතේ මුදල් බලය තියෙන්නේ පාර්ලිමේන්තුවට. නමුත් අපේ මුදල් ඇමතිතුමා අවසන් වරට මේ පාර්ලිමේන්තුවේ කතා කලේ පසුගිය දෙසැම්බර් 10ය. දැන් මාස 3ක් වෙනවා. මේ මාස 3න ඇතුලත වචනයක් කතා කරලා නෑ. රටේ වියසනයක් ඇති වෙලා තියනවා සෑම අංශයකම. නමුත් රටේ මුල්ය තත්වය පිලිබදව මාස 3ක් එතුමා ප්රකාශයක් කරලා නෑ. ඉතාමත් අවාසනාවන්ත තත්වයක්. ආණ්ඩු පක්ෂය කැදවලා කරුණු කිව්වා. නමුත් මාස 3ක් පාර්ලිමේන්තුවට වචනයක් කිව්වේ නෑ. එම නිසා මම ඔබතුමාගෙන් ඉල්ලීමක් කරනවා වහාම නියෝගයක් දෙන්න, පාර්ලිමේන්තුවට රටේ මුල්ය තත්වය දැනුම් දෙන්න කියලා. තවත් කල් දාන්න බැ. ලැජ්ජයි කියන්න පාර්ලිමේන්තුවේ වචනයක් කියන්නේ නෑ. නමුත් ලෝකේ වටේ යනවා හිගාකමින්. යුද්ධයක් තියන රුසියාවෙනුත් ඩොලර් මිලියන 300 ක් ඉල්ලලා. ලජ්ජා නැද්ද? අනික් කාරණය තමා මුදල් බලය පාර්ලිමේන්තුවට තියෙන්නේ ඔබ තුමා පාර්ලිමේන්තුවේ බලය ආරක්ෂා කරන්නේ නැත්තම් මොනවද ඔය පුටුවට වෙලා කරන්නේ.
මෙහිදී අදහස් දැක්වූ සභානායක දිනේෂ් ගුණවර්ධන මහතා පැවසුවේ මුදල් අමාත්යවරයා මේ සභාවට නොපැමිණි බවට කරන ලද ප්රකාශය ඉල්ලා අස් කර ගන්නැයි ඉල්ලීමක් කරන බවයි.
