පහුගිය දවසක සුනිල් හඳුන්නෙත්ති අමාත්යතුමා අපූරු කතාවක් කියලා තිබුණා. කතාවේ හරය බවට පත්වෙන්නේ ‘දවස් කීපයක් එකතු කරලා රෙදි හෝදන්න.’ ‘විදුලි පරිභෝජනය අඩු කරන්න.’ ‘බලශක්ති අර්බුදයට මුහුණ දෙන්න ලෑස්ති වෙන්න.’ ‘බලශක්ති අර්බුදයේදී අපිට තියෙන වගකීම් ටික ඉෂ්ට කරන්න…’ වගේ එකක්. ඒකට බොහෝ අය හිනා වුණා, හාස්යයට ලක්කළා, අභියෝගයට ලක්කළා. එහෙම බලශක්ති ඉතුරු කරනවා නම් මොකටද ආණ්ඩුවක් වගේ කතා කිව්වා.Sri Lanka Latest News
මේ වගේ කතා අපි දන්නවා කලින් ආණ්ඩු තියෙන කාලේ ජනතා විමුක්ති පෙරමුණ විපක්ෂයේ ඉන්න කාලෙත් ඔය වගේ කතා කියලා තියෙනවා. හැබැයි මේ වෙලාවේ මොළේ කලඳක්වත් තියෙන කෙනෙකුට තේරෙනවා ඇත්තටම බලශක්ති අර්බුදයක් තියෙනවා. බලශක්ති අර්බුදයට විසඳුම් හොයන්න ඕනේ. ඒක ලංකාවේ ආණ්ඩුව විසින් ඇති කරපු බලශක්ති අර්බුදයක් නෙවෙයි. අනුර කුමාර දිසානායක ජනාධිපතිතුමාට මේ බලශක්ති අර්බුදයට උත්තර හොයන්න බෑ. අපිට පුළුවන් කොහෙන් හරි තෙල් ටික ගෙන්න ගන්න විතරයි. තෙල් සම්බන්ධව ප්රශ්නයක් රට ඇතුළේ තියෙනවා නම් ඒකට නිසි පිළියමක් විදිහට අපිට කොහෙන් හරි තෙල් ටික ගෙනල්ලා අවශ්ය වෙලාවට තෙල් ටික දෙන එක හැර වෙන විකල්පයක් නෑ.
අපේ රටේ බදාදා දවස නිවාඩු දවසක් කරලා තියෙන්නේ, තෙල් පරිභෝජනය අඩු කිරීම සඳහා උපක්රම හදලා තියෙන්නේ ඒක නිසා. හැබැයි අපි දන්නවා මේ උදාවෙන්නේ බලශක්ති වැඩිපුරම භාවිත වෙන කාලය. ඒකට අපේ රටේ ඉන්න පාලකයෝ සැලසුමක් හදනවා නම් වඩාත් හොඳයි. සාමාන්යයෙන් මාර්තු මාසය කියලා කියන්නේ ලංකාවේ වැස්ස අඩුම කාලයක්. එතකොට ජලාශවල ජල මට්ටම ශීඝ්රයෙන් පහළ වැටෙනවා. සමකය ආසන්නයෙන් හිරු පායන කාලය නිසා මහපොළොවට වැටෙන සූර්ය රශ්මිය ඉතා වැඩියි. එතකොට ජලය වාෂ්පීකරණයට පත්වීමේ සම්භාවිතාවත් වෙන මාසවලට වඩා දෙතුන් ගුණයකින් ඉහළ යනවා. අප්රේල් මාසය තෙක්ම මේ ගැටලුව තියෙනවා. අප්රේල් මාසයේ වැටෙන බක් මහේ වැස්සත් එක්ක තමයි මේ තත්ත්වය ආයෙත් ප්රකෘති තත්ත්වයට පත්වෙන්නේ.
බක් මහේදී සාමාන්යයෙන් අපේ රටේ උදවිය ගමන් බිමන් යනවා වැඩියි. සාමාන්යයෙන් නෑදෑ ගෙවල්වල යන එක බොහොමයක් සිද්ධ වෙන දෙයක්. ඒ වගේම වෙසක් පෝයට මිනිස්සු සාමාන්ය ගමන් බිමන්වලට වඩා විශාල ප්රමාණයක් ගමන් බිමන් යනවා. ගෙවල්වල විදුලි බල්බ පත්තු කිරීම වැඩි වෙනවා. බල්බ් වැල් එල්ලනවා. ඒ වගේම තොරණ ඉදිවෙනවා. වෙසක් පහන් කූඩු ඉදිවෙනවා. විහාරස්ථාන පිරෙන්න විදුලි බුබුළු දානවා. ඒ නිසා සාමාන්ය විදුලි පරිභෝජනය විශාල අගයක් ගන්නවා, ඉහළ යනවා. පොසොන් පෝයටත් මේ තත්ත්වය එහෙමම තමයි. ඇසළ පෝය වෙද්දී මේ තත්ත්වය යම් තරමකට අඩු වෙලා ඉන්පස්සේ තමයි මේක සාමාන්යකරණයට ලක්වෙලා යන්නේ.
ඉතින් ඒ නිසා අපි දන්නවා මේ උදාවෙන්නේ ලංකාවේ බලශක්ති පරිභෝජනය වැඩියෙන්ම සිද්ධ වෙන කාලය. ඒ නිසාවෙන් ආණ්ඩුවේ මන්ත්රීවරුන් ඒ සම්බන්ධව ප්රකාශ කිරීම බොහොම වැදගත් සහ බොහොම වගකීම්සහගතයි. ඉතින් අපිත් ඒ නිසා ගෞරවාදරය ලබාදිය යුතුයි එවැනි අයට. ප්රශ්නය තියෙන්නේ කියනකොට එහෙමයි කරනකොට මෙහෙමයි පන්නයේ වැඩකරන මන්ත්රීවරු ලංකාවේ ඉන්න එක. මෙහෙම කතාවක් රටට කියපු බලශක්ති අර්බුදයට විසඳුම් හොයන්න යෝජනා කරපු හැමදාම සාමාන්ය පොදු මහජනයා එක්ක ජීවත් වෙච්ච පොදු මහජනයාගේ ක්රමයට වැඩ කරපු සුනිල් හඳුන්නෙත්ති අමාත්යතුමා වී-8 එකකින් යනවා පොළොන්නරුවට.
කොහේ ඉඳලද මේ යන්නේ? කොළඹ ඉඳලා. එතකොට බලශක්ති ඉතුරු කරන්න කරන්න තියෙන හොඳම දේද ඒක? හරි නම් යන්න තිබුණේ හයිබි්රඩ් එකක, බලශක්තිය අඩුවෙන්ම පාවිච්චි කරන වාහනයක. ඒ නිසා අපි ඔබතුමාලාගෙන් ඉල්ලන්නේ කලින් අයට ඒක කරන්න බෑ. මොකද ඒගොල්ලෝ පොදු මහජනයාගේ හෘදසාක්ෂිය පිළිබඳ කිසිම අදහසක් තිබිච්ච අය නෙමෙයි. ඒගොල්ලොන්ගෙන් අපිට ගුණහපත්කම් මනුස්සකම් බලාපොරොත්තු වෙන්න බෑ. ඒගොල්ලෝ ජීවත් වුණේ වෙනම සුරංගනා ලෝකෙක. ඒ සුරංගනා ලෝකේ ඉන්න අයට මේ මහ පොළොවේ ඉන්න මිනිස්සුන්ගේ දුක වේදනාව දැනෙන්නේ නෑ.
අපි හිතන්නේ සහෝදරවරුන්ට එහෙම නෙමෙයි. ඒගොල්ලොන්ට දුක වේදනාව දැනෙනවා. ඒ මිනිස්සුන්ට මහපොළොවේ පයගහලා ජීවත් වෙන්න පුළුවන්. සාමාන්ය මිනිස්සු විදිහට ජීවත් වීමේ හැකියාව මේ අයට තියෙනවා. ඒ නිසා පැහැදිලිව මතක තියාගන්න ඕනෙ කාරණය තමයි අපි රටක් විදිහට ඉස්සරහට යන්න නම් කියනකොට එහෙමයි කරනකොට මෙහෙමයි න්යාය දැන්වත් ඉවත් වෙලා යන්න ඕනේ. මොකද මෙච්චර කලුත් තිබුණේ ඕකමනේ. අපිට කියනවා හැබැයි ඒගොල්ලෝ කරන්නේ නෑ. අපිට කෙළින් යන්න කියලා ඒගොල්ලෝ ඇදේට යනවා. ඒ වගේ වැඩ නොකර ඛනිජ තෙල් ප්රශ්නයට උත්තරය නැත්නම් බලශක්ති ප්රශ්නයට උත්තරය පාර්ලිමේන්තුව ඇතුළෙම, මැතිඇමැතිවරුන්ගේ ගෙවල් ඇතුළෙම, මැතිඇමැතිවරුන්ගේ ක්රියාව ඇතුළෙම, මැතිඇමැතිවරුන්ගේ කැරැට්ටුව ඇතුළෙම දකින්න පුළුවන් නම් ඒක තමයි ජයග්රහණය.
ජීවන පහන් තිළිණ
