පළාත් පාලන අපේක්ෂකයන්ට රාජ්ය සම්පත් භාවිත නොකිරීමට නියම කරන්නැයි ඉල්ලමින් ඉදිරිපත් කර ඇති පෙත්සම සම්බන්ධයෙන් අධිකරණයේ පෙනීසිට කරුණු දැක්වීමට අග්රාමාත්ය දිනේෂ් ගුණවර්ධන මහතා ඇතුළු අමාත්ය මණ්ඩලයට නියම කරමින් ශ්රේෂ්ඨාධිකරණය ඊයේ (12) නොතීසි නිකුත් කළේය.Sri Lanka Latest News
පළාත් පාලන අපේක්ෂකයන්ට රාජ්ය සම්පත් භාවිත නොකිරිමට මෙන්ම මැතිවරණ කොමිසමට නිකුත් කර ඇති මාර්ග උපදේශක මාලාව අනුව කටයුතු කිරීමට නිලධාරීන්ට නියම කරන්නැයි ඉල්ලා පැෆරල් සංවිධානය ගොනුකර ඇති පෙත්සම සලකා බැලීමෙන් අනතුරුව එලෙස නියම කළ ශ්රේෂ්ඨාධිකරණය අදාළ නොතීසි ශ්රේෂ්ඨාධිකරණ ලේඛකාධිකාරීවරයා හරහා වගඋත්තරකාර අමාත්ය මණ්ඩලයට භාරදීමට කටයුතු කරන ලෙසද නියම කළේය.
පෙත්සම සම්බන්ධයෙන් මූලික විරෝධතා ඇත්නම් ලබන 24 වැනිදා ගොනුකිරීමටද ප්රතිවිරෝධතා ඇත්නම් ලබන 28 වැනිදා ගොනුකිරීමටද නියම කළ ශ්රේෂ්ඨාධිකරණය කරුණු තහවුරු කිරීම සදහා පෙත්සම ජූලි 03 වැනිදා කැදවීමටද නියම කළේය.
අගවිනිසුරු ජයන්ත ජයසූරිය, ශ්රේෂ්ඨාධිකරණ විනිසුරුවරුන් වන කුමුදුනී වික්රමසිංහ සහ අචල වෙන්ගප්පුලි යන මහත්ම මහත්මීන්ගෙන් සැදුම් ලත් සමන්විත විනිසුරු මඬුල්ලක් හමුවේ පෙත්සම සලකා බැලිණි.
බැෆරල් සංවිධානය ගොනුකර ඇති පෙත්සමේ වගඋත්තරකරුවන් වශයෙන් නීතිපතිවරයා, අග්රාමාත්ය දිනේෂ් ගුණවර්ධන මහතා ඇතුළු අමාත්ය මණ්ඩලය නම්කරනු ලැබ සිටී.
නීතිඥ මංජුල මාලසූරිය මහතා මගින් පැෆරල් සංවිධානය ගොනුකෙරුණු මෙම පෙත්සමේ සැප්තැම්බර් 17 වැනිදාත්, ඔක්තෝබර් 16 වැනිදසාත් අතර කාලය තුළ ජනාධිපතිවරණය පැවැත්වීමට දින නියම කර ඇතැයි සදහන් කර ඇත.
එසේ තිබියදී මුදල් අමාත්යාංශයේ ලේකම්වරයා 2024 අයවැය යෝජනා නමින් චක්රලේඛයක් නිකුත් කරමින් රටේ ග්රාමීය ප්රදේශවල සංවර්ධන ව්යාපෘති ක්රියාත්මක කිරීමට යෝජනා කර ඇතැයිද,ඊට අමතරව කදුකර දර්ශයක නමින් තවත් චක්රලේඛයක් නිකුත් කරමින් ග්රාමීය ප්රදේශවල ජනතාවගේ ජීවන තත්ත්වය උසස් කිරීම සදහා මූල්ය පහසුකම් ලබාදීමට යෝජනා කර ඇතැයිද පෙත්සම්කාර පැෆරල් සංවිධානය පෙන්වා දෙයි.මෙම ව්යාපෘති දෙකම ලබන ජූලි 31 වැනිදා වන විට අවසන් කළ යුතු බවටද නිවේදනය කර ඇතැයිද සදහන් වේ.
ඉදිරිපත් වූ කරුණු සලකා බැලීමෙන් අනතුරුව අදාළ නියෝග නිකුත් කළ විනිසුරු මඬුල්ල පෙත්සම ජූලි 03 වැනිදා කැදවීමටද නියම කළේය.
