කතානායකවරයා, සහ විපක්ෂ නායකවරයා සභාවේ නොසිටිය අවස්ථාවක ජනාධිපතිවරයා විසින් කරුණු කාරණා ගණනාවක් ඉදිරිපත් කර ඇති බවත් ඒ කරුණු තුළ රටට වැරදි පණිවිඩයක් යා හැකි බැවින් මේ සම්බන්ධ පැහැදිලි කිරීමක් සිදු කළ යුතු බවත් විපක්ෂ නායකවරයා පැවසීය.Sri Lanka Latest News
ව්යවස්ථාදායක සභාවේ අවසන් පත් කිරීම සිදු නොවීම සම්බන්ධයෙන් ජනාධිපතිවරයා විසින් විපක්ෂ නායකවරයාට පවා චෝදනා කරමින් කතා කළ බවත් එතුමා ආණ්ඩුක්රම ව්යවස්ථාව හරියට කියවා ඇත්ද කියා ගැටලුවක් ඇති බවත් ආණ්ඩුක්රම ව්යවස්ථාවේ 41 (අ) වගන්තියේ එම පත් කිරිම සිදුවිය යුතු ආකාරය හරියට සඳහන්ව ඇති බවත් විපක්ෂ නායකවරයා පැවසීය.
එම පත්කිරිමට ආණ්ඩු පාර්ශ්වයේ මෙන්ම විපක්ෂ නායකවරයාගේ පාර්ශ්වය සම්බන්ධ නොවී සෙසු පක්ෂ විසින් එම පත් කිරීම සිදු කළ යුතු බවත් ටී. එන්. ඒ. පක්ෂය විසින් සිද්ධාර්ථන් මන්ත්රීවරයාගේ නම යෝජනා කළ බවත් තමා අද අවස්ථා ගණනාවක දී එම පත්කිරීම නොකරන්නේ ඇයිද කියා විමසා ඇති බවත් එම නිසා එම අවසාන පත් කිරීමේ වගකීම විපක්ෂ නායකවරයා සතු නොවන බවත් විපක්ෂ නායක සජිත් ප්රේමදාස මහතා පැවසීය.
එසේම ඊයේ දිනයේ ජනාධිපතිවරයා විසින් කතානායකවරයා සහ විපක්ෂ නායකවරයා නොමැති අවස්ථාවක ව්යවස්ථාදායක සභාවට විරුද්ධව තේරීම් කාරක සභාවක් යෝජනා කර ඇති බවත් ජනාධිපතිවරයාට එවැනි බලයක් නොමැති බවත් විධායකයේ බලතල යම් මට්ටමකින් අඩු කිරීම සඳහා සංවරණ සහ තුලනයක් ලෙස ව්යවස්ථාදායක සභාව ඇති බවත් ජනාධිපතිවරයාට එවැනි බලපෑමක් සිදුකළ නොහැකි බවත් විපක්ෂ නායකවරයා තවදුරටත් පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (24) පාර්ලිමේන්තුවේදී ජනාධිපතිවරයාගේ වැරදි ප්රකාශ කිහිපයක් සම්බන්ධයෙන් නිවැරදි කිරීමක් සිදු කරමිනි.
