කිසියම් පිරිසක් මහනුවර සුදුහුම්පොල රජමහා විහාරයේ සිටින තායි රාජා ඇතාගේ රුධිර සාම්පල රැගෙන ගොස් ඇති බවත් මූලික වෛද්ය ආචාර ධර්ම කඩකරමින් සිදු කර ඇති මෙම ක්රියාව දැඩි පිළීකුලෙන් යුතුව හෙලා දකින බවත් පේරාදෙණිය විශ්වවිද්යාලයේ පශු වෛද්ය පීඨයේ මහාචාර්ය අශෝක දංගොල්ල මහතා පවසයි .Sri Lanka Latest News
මේ දක්වා එම ඇතා තම භාරයේ පසු වන බැවින් පශු වෛද්ය කණ්ඩායමක් හෝ වෙනත් පාර්ශවයක් ඇතාගෙන් රුධිර සාම්පල ලබා ගැනීමේදී තමාව දැනුම්වත් කිරීම වෛද්ය විද්යාවේ මූලික ආචාර ධර්මය වුවද ඇතාගේ රුධිරය ලබාගත් පිරිස වෙනත් අරමුණකින් එම කටයුත්ත සිදු කර ඇති බව පෙනී යන බැවින් එසේ රුධිරය ලබාගෙන ඇත්තේ කුමන අරමුණින් දැයි වහාම සොයා බැලිය යුතු බවද මහාචාර්ය දංගොල්ල මහතා පවසයි
.
“මේක මහ වැරදි වැඩක් ,කරපු දේ හරි කැතයි. මට හිතාගන්න බැහැ. මේ වැඩේ ගැන.අපි වෛද්ය ශිෂ්යන්ට උගන්වන අය.අපි මුලින්ම කියා දෙන්නේ වෛද්ය විද්යාවේ ආචාර ධර්ම ගැන.අපේම පිරිසක් සම්බන්ධ කරගෙන මේ වැඩේ කළ බවට තොරතුරු තිබෙනවා.මම යි ඇතා භාර වෛද්ය වරයා.මට කියන්නේ නැතුව කවරෙකු හෝ ඇතා සම්බන්ධයෙන් වෛද්යමය තීරණයක් ගන්න එක විශාල වරදක්.
ඇතාගේ කුමක් හෝ දුර්වල කමක් තියෙනවා කියලා පෙන්වලා තායිලන්තයට යළි ඇතා රැගෙන යාමේ උත්සාහයක් මේ පිටුපස තිබෙනවා කියන සැකය මට තිබෙනවා.”
දියවඩන නිළමේවරයා අද.උදේ තායිලන්තයේ නියෝජිතයන් හමු වීම සදහා පැමිණෙන ලෙස දැනුම් දුන් නමුත් මෙම සිද්ධියට විරෝධය පල කරමින් ඒ සදහා සහභාගි නොවන බවද මහාචාර්ය දංගොල්ල මහතා පැවැසීය .
මේ සම්බන්ධයෙන් අප කළ විමසීමේදී ශ්රී දළදා මාළිගාවේ අලි පන්තිය භාර ප්රදීප් මියනපලන මහතා පැවැසුවේ තායිලන්තයේ තානාපති ඇතුළු දූත පිරිස ඇතා බැලීමට අවසර ඉල්ලූ බැවින් එම ඉල්ලීම තායිලන්ත රාජ්ය මට්ටමේ ඉල්ලීමක් නිසා ඊට අවසර ලබා දුන් බවයි .එමගින් මාළිගාවේ අලි ඇතුන් බලා ගන්නා විශේෂඥ වෛද්ය වරුන්ටට අපහසුවක් කිරීමේ චේතනාවක් නොතිබුණු බවද ඒ මහතා පැවැසීය .
සරත් සමරනායක , යොලන් පෙරේරා මහනුවර
