1992 ලංකාවේ පැවැති සාක් සම්මේලනය වර්ජනය කරන්න ඉන්දියාව තීරණය කළේය. ඉන්දියාවේ මේ තීරණය නිසා එවක ජනාධිපති ප්රේමදාස සිටියේ නොසන්සුන්වය. සාක් සම්මේලනයට ඉන්දීය අගමැති ගෙන්වා ගන්න ප්රේමදාස කොතරම් උත්සාහ කළත් එය සාර්ථක නොවීය. සාක් සමුළුව ඉන්දියාව වර්ජනය කිරීම ගැන විපක්ෂය ජනාධිපති ප්රේමදාසව උපහාසයට ලක් කළේය. ප්රේමදාස කෙසේ හෝ ඉන්දියාව නොමැතිව සාක් සමුළුව පැවැත්වීය. මේ වනවිට ඉන්දියාවේ අගමැති ධුරය දැරුවේ නරසිංහම් රාඕය. ලංකාවේ සාක් සමුළුව වර්ජනය කරන ලෙසට ඉන්දීය අගමැති රාඕට ඉන්දු-ලංකා සබඳතා තීරකයන් උපදෙස් දුන්නේ ප්රේමදාසගේ ඉන්දීය විරෝධය නිසා විය හැකිය. සාක් සමුළුවට නොගිය රාඕ ඉන්දු-ලංකා ප්රතිපත්තිය වෙනස් කරන්න තීරණය කළේය. දමිළ ජනතාවගේ ප්රශ්නය මත ලංකාව සම්බන්ධව ඉන්දීය ප්රතිපත්තිය තීරණය කිරීමේ ක්රමවේදය වෙනස් කොට ආර්ථික වශයෙන් දෙරට අතර සබඳතා වර්ධනය කරන්න ඔහුට අවශ්ය විය. සාක් සමුළුව වර්ජනය කර පසුව රාඕ ලංකාවට ගියේය. ප්රේමදාස ආණ්ඩුව සමග ආර්ථික සබඳතා වර්ධනය කරගන්න සාකච්ඡා කළේය. Sri Lanka Latest News
රාඕ ලංකාවට ගියේ සාක් සමුළුව වෙනුවෙන්ය. 1987 ඉන්දීය අගමැති රජීව් ගාන්ධිට ලංකාවේදී නාවික හමුදා සෙබළෙක් පහර දුන් පසු ඉන්දීය අගමැතිවරයෙක් ලංකාවේ සංචාරය කළේ නම් ඒ, රාඕගේ සංචාරයය. ඔහු ලංකාවට ආවේ රාජ්ය සංචාරයක් සඳහා නොව, සාක් සමුළුවටය. ඉන් පසුව 2015 තෙක් කිසිදු ඉන්දීය අගමැතිවරයෙක් රාජ්ය සංචාරයක් සඳහා ලංකාවට ආවේ නැත. වජ්පායි සහ මන්මෝහන් සිං ලංකාවට ගියේ සාක් සම්මේලනය සඳහාය. රජීව් ගාන්ධිට පහර දීමෙන් පසු ඉන්දීය අගමැතිවරයෙක් රාජ්ය සංචාරයකට ලංකාවට ගියා නම් ඒ මෝදිය. 2015 මෝදි, රජීව් ගාන්ධිට පසු පළමු වරට රාජ්ය සංචාරයකට ලංකාවට ගියේය.
දැන් යළිත් මෝදි අනුර කුමාරගේ ආරාධනයෙන් රාජ්ය සංචාරයකට ලබන මාසයේ ලංකාවට ඒමට සූදානම්ය. මෝදි ලංකාවට එන්නේ එදා 1987 රජීව් ගාන්ධිට පහර දුන් නාවික සෙබළා නියෝජනය කළ ඉන්දීය විරෝධී මතවාදය වෙනුවෙන් කැරැලි ගහපු ජවිපෙ ජනාධිපතිවරයාගේ ආරාධනාවකින්ය. එදා රාඕ ඉන්දීය විරෝධී ප්රේමදාස ගැන ගත්ත තීරණය මෙදා මෝදි ඉන්දීය විරෝධී මතවාදයක සිටි ජවිපෙ ජනාධිපති සම්බන්ධයෙන් ගෙන ඇත. මෙය ඓතිහාසික සංචාරයක් වන්නේ ඒ නිසාය.
