රුසියානු කසාන් චිත්රපට උලෙළ්දී ලංකාවට තීර්තියක් අත්කරදුන් සරත් කොතලාවල සහ කුමාර තිරිමාදුර යන රංගවේදීන් දෙදෙනාට සුභාශිංසන එක් කිරීමට විපක්ෂනායක සජිත් ප්රේමදාස මහතා පියවර ගෙන ඇත.
ඒ සම්බන්ධයෙන් විපක්ෂනායකවරයා තබා තිබූ සටහන මෙසේය.
‘ද නිවුස් පේපර්’ චිත්රපටයේ ප්රධාන චරිත රඟපෑම හේතුවෙන් රුසියාවේ පැවැති ලෝකප්රකට කසාන් අන්තර්ජාතික මුස්ලිම් චිත්රපට උළෙලේදී හොඳම නළුවා සම සම්මානය සිනමා, ටෙලිනාට්ය සහ වේදිකා යන කලා ක්ෂේත්ර තුනෙහිම අතිදක්ෂ රංගන ශිල්පීන් දෙදෙනකු වන සරත් කොතලාවල සහ කුමාර තිරිමාදුර යන රංගවේදීන් දෙදෙනාට හිමිවී ඇති අතර ඔවුන් රටට හිමිකර දුන් ජාත්යන්තර කීර්තිය පිළිබඳව අපේ සුභාශිංසන එක්කරමු.
The News Paper” සරත් කොතලාවල සහ කුමාර තිරිමාදුරගේ සම අධ්යක්ෂණයෙන් බන්දල ගුණවර්ධනගේ අර්ථපතිත්වයෙන් නිමැවූ චිත්රපටයක් වන අතර අන්තර්ජාතික සිනමා උළෙල රැසකදීම එය මහත් ඇගයීමට ලක් විය.
සිනමා කර්මාන්තය ලෝකයේ සංස්කෘතික කර්මාන්ත අතර ප්රමුඛ ගණයක ලා සැලකේ. බොහෝ අභියෝග සහ නූතනකරණය තුළ පවා සාර්ථක ලෙසින් ලෝක සිනමාව ඉදිරියට පැමිණ තිබේ.
නමුත් රාජ්ය මට්ටමේ මැදිහත් වීම සහ සහයෝගය අවම වීම හේතුකොටගෙන අපේ රටේ සිනමාව කර්මාන්තයක් ලෙස පෙරට එනවාට වඩා සිදුව ඇත්තේ බරපතළ කඩා වැටීමකට ලක් වීමය.
අතිශයින්ම දක්ෂ කලාකරුවන්, නිර්මාණවේදීන් බොහෝ සිටියදීත් සිනමාවේ පවත්නා ගුණාත්මක වටිනාකම, කලාත්මක වටිනාකම, මෙන්ම ආර්ථිකමය වටිනාකම පිළිබඳව ද නිශ්චිත දැක්මක් සහිත තක්සේරුවක් බලධාරීන්ට නොමැතිකම හේතුකොටගෙන අපේ රටේ සිනමාව තවමත් හිස ඔසවා ගත නොහැකිව තිබේ.
ජාත්යන්තර මට්ටම සමග සමඟ ගනුදෙනු කළ හැකි සිනමා කර්මාන්තයක් ගොඩනැගීම උදෙසා වූ තිරසාර ප්රඥප්තියක් ස්ථිර වශයෙන්ම ස්ථාපිත විය යුතු අතර එවිට මෙවන් ජාත්යන්තර කීර්තියද, සිනමාවේ ප්රගමණයද සිදුවනු ඇත.
අප්රමාණ දුෂ්කරතා මධ්යයේ වුවද ජාත්යන්තරය ජය ගනිමින් ශ්රී ලංකාවට කීර්තිය රැගෙන ආ සරත් කොතලාවල සහ කුමාර තිරිමාදුර යන රංගන ශිල්පීන්ටත්, එම කණ්ඩායමටත් අපේ සුබපැතුම් නැවත එක් කරමු!
