කැන්ඩි ප්රයිම් නිව්ස්
මාවතගම සිට මීමුරේ පාරිසරික ගම්මානයට විනෝද චාරිකාවක් සඳහා පැමිණි (10) පිරිසක් අතර සිටි තරුණයෙක් මී මුරේ සූරිය අරණ දිය වලේ දිය නෑමට ගිය අවස්ථාවේ දියේ ගිලී මරණයට පත්ව ඇති බව උඩදුම්බර පොලීසිය පවසයි.Sri Lanka Latest News
මෙලෙස මරණයට පත්ව ඇත්තේ මාවතගම ප්රදේශයේ බීර නිෂ්පාදන ආයතනයක 17 දෙනෙකුගෙන් සමන්විත කණ්ඩායමක් සමග මී මුරේ ගමට පැමිණි ඒකනායක මුදියන්සෙලාගේ බුද්ධික සිසිර කුමාර බෝයගොඩ ( අවු 28) නමැති අවිවාහක තරුණයෙකු බව පොලීසිය සඳහන් කරයි.
මියගිය තරුණයා මාවතගම , වරද්ද ,වෑඋඩ ගමගේහේන ලිපිනයේ පදිංචි කරුවෙකි.
තරුණයා දියේ ගිලුණු ස්ථානය ගැඹුරු සහිත බවත් ,එම ස්ථනයේ දිය නෑම අනතුරුදායක බවටත් සඳහන් දැන්වීම් පුවරු එම දිය වළ අසල ප්රදර්ශණය කර ඇති බවත් උඩදුම්බර පොලිස් ස්ථානාධිපති ප්රධාන පොලිස් පරීක්ෂක තුසිත දොඹගම්මන මහතා සහ මී මුරේ ගම්වාසීන්ද පැවසූහ.
මියගිය තරුණයාගේ මරණය සම්බන්ධව පශ්චාත් මරණ පරීක්ෂණය සහ හදිසී මරණ පරීක්ෂණ පැවැත්වීම සඳහා උඩදුම්බර පොලි්ස් ස්ථානාධිපති ප්රධාන පොලිස් පරීක්ෂක තුසිත දොඹගම්මන මහතාගේ මෙහෙය වීම මත උඩදුම්බර පොලීසිය වැඩි දුර පරීක්ෂණ පවත්වයි.
