‘ශ්රී ලංකාව තුළ සිදුවන වංචාවේ සහ දූෂණයේ කිසිදු අඩුවක් දකින්නට නැහැ. විශේෂයෙන්ම මෙරට රාජ්ය අංශයන් තුළ සිදුවන වංචා – දූෂණ ඉතා ඉහළ ගොස් තිබෙනවා. ලෝකයේ රටවල් 180ක් ආශ්රිත කරගෙන ප්රකාශයට පත්කර තිබෙන ගෝලීය නිල සමීක්ෂණ වාර්තාවට අනුව 2023 වසරේදී අප සිටින්නේ 115 වැනි ස්ථානයේය. එම ගෝලීය වාර්තාවේ ප්රතිඵලවලට අනුව 2022දී අප ශ්රී ලංකාව ලබා සිටි ස්ථානය 102 වැනි ස්ථානයයි. ඒ අනුව පෙනීයන්නේ වසරකදී ස්ථාන 13ක පහළ වැටීමක්. (Sri Lanka Latest News)
අප රටේදී යම් මහාපරිමාණ දූෂණ – වංචාවකට හසුවූ පුද්ගලයන්ට ලබාදෙන දඬුවම් ඉතා අවමයි. යම් පුද්ගලයකු එවැනි වරදකට හසුවූ පසුව එම පුද්ගලයා කිසිදු අසාදු ලේඛනගත කිරීමේ ක්රියාවලියක් දකින්නට නැහැ. නැවත එම පුද්ගලයාම ටික කාලයකින් නැවතත් වංචා දූෂණ සිදුකරනවා. ජාත්යන්තර මූල්ය අරමුදල (IMF) විසින් මෙරට රාජ්ය අංශයේ වංචා, දූෂණවලට එරෙහිව නව නීතිරීති සම්පාදනය කරන ලෙස උපදෙස් ලබාදී තිබෙනවා. මෙය හොඳ ප්රවණතාවක්. එහෙත් එම නව නීතිරීති තදින්ම ක්රියාත්මක කළ යුතුයි….’
වාර්තමානයේදී ශ්රී ලංකාව ගිලගෙන තිබෙන මහාපරිමාණ වංචා දූෂණයන්ට එරෙහිව මෙම සුවිශේෂ කතාව කියා සිටින්නේ කවරකු විසින්ද? මෙම වැදගත් අදහස් අපට කියා සිටින්නේ මෙරට සිටින කීර්තිමත් ප්රකට විද්වතකු වන කොළඹ විශ්වවිද්යාලයේ ජ්යෙෂ්ඨ මහාචාර්ය ප්රතිභා මහානාමහේවා මහතාය. ඔහු මෙරට සිටින ප්රවීණතම නීති විශාරදයකු ලෙසද ප්රකටය. පසුගියදා ඔහු මෙම විශේෂ අදහස් ප්රකාශ කර සිටියේ කොළඹ පැවැති සම්මන්ත්රණයකදීය. එම වැඩමුළුව ‘නීති සම්පාදනය මගින් රාජ්ය ප්රසම්පාදනයේ වංචා සහ දූෂණවලට එරෙහිව සටන් කිරීම’ (Combating Frauds and Corruption of Public Procurement through legislation) යන මාතෘකාව යටතේ ඉංග්රීසි බසින් පවත්වන ලදී. ‘ශ්රී ලංකාවේ වෘත්තීය සංගම් සංවිධානය’ (The Organisation of Professional Associations of Sri Lanka) සමග ‘සැපයුම් හා ද්රව්ය කළමනාකරණ ආයතනය’ (Institute of Supply and Materials Management) යන සංවිධාන එකට එක්ව මෙම සම්මන්ත්රණය පවත්වන ලදී.
මෙම සම්මන්ත්රණයේ ප්රධානතම දේශන දෙක පවත්වනු ලැබුවේ මහාචාර්ය ප්රතිභා මහානාමහේවා මහතා සහ ප්රසම්පාදන ක්රියාවලිය පිළිබඳ ප්රවීණයකු වන මුදල් අමාත්යාංශයේ හිටපු අතිරේක අධ්යක්ෂ ජනරාල් අයිවන් තිසේරා මහතා විසිනි. ISMM සංවිධානයේ සභාපති ජයන්ත ගාල්ලෙහේවා මහතා සහ OPA සංවිධානයේ සභාපති සරත් ගමගේ මහතාගේ ප්රධානත්වයෙන් වැඩමුළුව පවත්වන ලදී. ධඡ් ප්රධාන ලේකම් තිසර ද සිල්වා සහ ෂීඵඵ කමිටු සභාපති අයි.ජී. පෙරේරා යන මහත්වරුන් විසින් මෙම සම්මන්ත්රණය මෙහෙයවීම සිදුකරන ලදී.
ප්රියන්ත හෙට්ටිගේ