අගමැති රනිල් වික්රමසිංහ මහතා ඊයේ රාත්රියේදී ජනාධිපතිවරයා මුණගැසීමට හදිසියේම ජනපති මැදුරට ගොස් අමාත්ය ධම්මික පෙරේරා මහතා සම්බන්ධයෙන් මතුවී ඇති ප්රශ්නය විසදා දෙන ලෙසට ඉල්ලීමක් කොට ඇති බව වාර්තා වේ.
ධම්මික පෙරේරා මහතා ඊයේ මාධ්ය හමුවේ අගමැතිවරයා මුදල් අමාත්ය ධූරයෙන් ඉවත් විය යුතු බවට කළ ප්රකාශයෙන් අනතුරුව අගමැතිවරයා තුන්වන පාර්ශ්වයක් සමග මෙසේ ගොස් ජනාධිපතිවරයා මුණ ගැසී ඇති බව දැනගන්නට ඇත.
කෙසේවෙතත් මෙහිදී ජනාධිපතිවරයා අගමැතිවරයාට දැනුම් දී ඇත්තේ තමන්ද ධම්මික පෙරේරා මහතාගේ ප්රකාශය මාධ්යවලින් දුටු පසු ඒ පිළිබද කතා කොට විමසීමක් කළ බවකි.
එහිදී ධම්මික පෙරේරා මහතා මුදල් අමාත්යංශය පැත්තෙන් විය යුතු දෑ විශාල ප්රමාණයක් සිදුනොවන බවට චෝදනා රැසක් එල්ල කළ බව අගමැතිවරයාට දැනුම් දී ඇති ජනාධිපතිවරයා ඒ සියල්ල වහා ඉටු කරන ලෙසත්, එවිට ගැටලුව අවසන් වනු ඇති බවත් දැනුම් දී තිබේ.
මුදල් අමාත්ය ධූරය දරන්නේ නම් සියලු පාර්ශව සම්බන්ධීකරණය කොටගෙන කටයුතු කරන ලෙස ජනාධිපතිවරයා මෙහිදී අගමැතිවරයාට සදහන් කොට ඇති බවද දැනගන්නට ඇත.
මීට සති කිහිපයකට ඉහතදීද අගමැතිවරයා මේ ආකාරයට ජනාධිපතිවරයා හමුවී ධම්මික පෙරේරා මහතා සම්බන්ධයෙන් විමසන අවස්ථාවේදී ජනාධිපතිවරයා කෙළින්ම අගමැතිවරයාට මුදල් අමාත්ය ධූරයෙන් ඉවත් වන ලෙසට දැනුම් දීමක් කොට තිබිණ.
එමෙන්ම ඊයේ දිනයේ සිදුව ඇති මෙම හමුවේදීද ජනාධිපතිවරයා එම ඉගිය නැවත වතාවක් කොට ඇති බවද වාර්තා වේ.
