ලංකාවට විශාල රාජ්ය අංශයක් දැරීමට තවදුරටත් නොහැකි වනු ඇති බවත් නුදුරේදී රාජ්ය සේවක සංඛ්යාව අඩු කිරීම ආරම්භ කළ යුතු බවත් ජනාධිපති ජ්යෙෂ්ඨ උපදේශක දුමින්ද හුළංගමුව මහතා සඳහන් කරයි.Sri Lanka Latest News
භාණ්ඩාගාරය දැනට සිදුකරන වියදම් ඉදිරියේදී පවත්වා ගැනීමට නොහැකි වනු ඇති බවද පැවසූ ඔහු දැනට රට තුළ සිටින ලක්ෂ දහතුනක් පමණ වන රාජ්ය සේවකයන් ඉදිරියේදී ලක්ෂ හතහමාරක් දක්වා අඩු කිරීමට සිදුවනු ඇති බවද කියා සිටියේය.
ඒ මහතා මෙම අදහස් පළ කළේ කොළඹ පැවති උත්සව අවස්ථාවක් අමතමිනි.
“අපි ඉදිරියට යන විට, භාණ්ඩාගාරයේ තිබෙන අරමුදල් ඉදිරි වසරවලදී ප්රමාණවත් නොවන බව මට ඔබට කියන්න පුළුවන්. විශාල රාජ්ය අංශයක් පවත්වාගෙන යාමට අපට හැකියාවක් නෑ. ඒ නිසා අපි රාජ්ය සේවාවන් තාර්කික කර, සේවකයින් ගණන අඩුකර ඩිජිටල්කරණය කරා ගමන් කළ යුතුයි,
අපට අවශ්ය වන්නේ මිලියන 1.3ක් වන සේවකයන් අවම වශයෙන් 750,000 දක්වා අඩු කර කාර්යක්ෂමතාවය සඳහා ඉතිරි කාර්ය මණ්ඩලයේ තරඟකාරී වැටුප් ගෙවීමටයි. අපි මෙම සේවාවන් ඩිජිටල්කරණය කිරීම ආරම්භ කළ යුතු අතර බදු ගෙවන්නන්ගේ අරමුදල් ඵලදායි ලෙස භාවිතා කිරීමට වග බලා ගතයුතුයි.
රාජ්ය සේවකයන්ට අකාර්යක්ෂම සේවාවන් හඳුනා ගැනීමටත්, ඒවා වළක්වා ගැනීමට සහ කාර්යක්ෂම කිරීමටත් හැකි ආකාරය බැලිය යුතුයි. අපි කියන්නේ නැහැ පුද්ගලීකරණය කරන්න කියලා. අපි කියන්නේ වැඩි ලාභයක් උපයා ගැනීමටත් වඩා හොඳ කාර්යක්ෂම සේවාවක් සමඟින් මහජනතාවට සේවය කරන්න කියලයි.”
මෙම පුවත ඩේලිමිරර් පුවත්පත අද වාර්තා කර සිටියේ මෙසේය. පුවතට මෙතනින් පිවිසෙන්න.
