ගතානුගතික විපක්ෂයේ භූමිකාව වෙනුවට සමගි ජනබලවේගය නූතනවාදී, ජනහිතකාමී විපක්ෂයක් බව විපක්ෂ නායක සජිත් ප්රේමදාස මහතා පැවසීය.
ඉතිහාසයේ කිසිදාක විපක්ෂයක් ප්රායෝගික සුබසාධන සහ මහජන සේවය නොකළ බව පැවසූ විපක්ෂ නායකතුමා, සමගි ජනබලවේගය එම සම්ප්රදාය වෙනස් කළ බව පැවසීය.වර්තමාන ආණ්ඩුව විපක්ෂයේ සිටියදී උද්ඝෝෂණ, වර්ජන කරනවා හැර එක මහජන සේවාවක් කළාදැයි තමන් ප්රශ්න කරන බව පැවසූ විපක්ෂ නායකතුමා සමගි ජනබලවේගය එවන් අවස්ථාවාදී දේශපාලනයක් නොකරන බව පැවසීය.
විපක්ෂ නායක සජිත් ප්රේමදාස මහතාගේ සංකල්පයක් මත ක්රියාත්මක ගමින් ගම දොරින් දොර ජන ගැටලු විමසන සත්කාරය විපක්ෂනායක ජංගම සේවා වැඩසටහනේදී බුත්තල වගුරුවෙල ශ්රී පෝයමළු රජමහ විහාරාධිකාරි ගෞරව ශාස්ත්රවේදී පණ්ඩිත පූජ්ය ඔක්කම්පිටියේ ඤාණානන්ද නාහිමිපාණන් වහන්සේ ප්රමුඛ විහාරස්ථ දායක සභාව විසින් කරන ලැබූ ඉල්ලීම ප්රකාරව ප්රදේශයේ ජනතාවට පිරිසිදු පානීය ජලය ලබාදීමේ අපේක්ෂාව පෙරදැරිව විපක්ෂ නායක සජිත් ප්රේමදාස මැතිතුමන්ගේ ප්රමුඛ මැදිහත්වීමෙන් නවලෝක සමූහ ව්යාපාරයේ මූල්ය පරිත්යාගයෙන් රුපියල් ලක්ෂ 28ක් වටිනා ප්රති ආශ්රිත ජල පෙරණයක් විපක්ෂ නායකතුමාගේ සුරතින් අද (19) ජනතා අයිතියට පත්කරනු ලැබීය.
එම අවස්ථාවට එක්වෙමින් විපක්ෂ නායකතුමා මේ බව පැවසීය. සමගි ජනබලවේගය ක්රියාත්මක කරන්නේ දේශ සේවය බවත්, දේශපාලනය කියන්නේ දේශය පාලනය කිරීම බවත් හැබැයි දේශසේවය කියන්නේ දේශයට සේවය කිරීම බවත් ඒ මහතා කීය.
අපේ රට මේ මුහුණ දී සිටින මහා ව්යසනයෙන් රට ගොඩගන්නට තියෙන එකම මග සම්ප්රදායික පුද්ගලවාදී දේශපාලනය නොවන අතර ආර්ථික වශයෙන් වැටුනු රට, සමාජීය වශයෙන් වැටුණු රට, ගොඩගන්නට තියෙන මාවත දේශ සේවය බවද ඒ මහතා පැවසීය.
අදූරදර්ශී ආණ්ඩුව ජනතාවගේ ජීවිත අනතුරේ දමන විට සමගි ජනබලවේගය කළේ විපක්ෂයේ හුස්මක් තුලින් ජීවිත සුරක්ෂිත කිරීම බව පැවසූ විපක්ෂ නායකතුමා, රටේ ජීවිත දහස් ගානක් අහිමිවූයේ ආණ්ඩුවේ වරදින් බවද පැවසීය. අද, ගොවියාත්, ගුරුවරයාත්, සිසු පරපුරත්, මුලු රටමත් මහා ව්යසනකාරී තත්ත්වයකට ඇද දැමීමට ආණ්ඩුව කටයුතු කොට ඇති බවද විපක්ෂ නායකතුමා පැවසීය.
සමගි ජන බලවේගයේ මහලේකම් රංජිත් මද්දුම බණ්ඩාර, හිටපු සෞඛ්ය අමාත්ය වෛද්ය රාජිත සේනාරත්න, පාර්ලිමේන්තු මන්ත්රී ඩබ්ලිව් එච් එම් ධර්මසේන, හිටපු නියෝජ්ය කතානායක ආනන්ද කුමාරසිරි ඇතුළු මහජන නියෝජිතයින්ගේ සහභාගීත්වයෙන් රැසක් මෙන්ම ප්රදේශවාසීන් විශාල පිරිසක් ද ඊට එක්ව සිටියහ.
