ඉන්දියාව විසින් වැරදීමකින් පකිස්ථානයට මිසයිලයක් එල්ල කර ඇති බව විදෙස් මාධ්ය වාර්තා කර ඇත.
මේ පිලිබඳව නිවේදනයක් නිකුත් කරන ඉන්දියාව ප්රකාශ කරන්නේ නඩත්තු කටයුතු අතරතුර සිදුවූ තාක්ෂණික දෝෂයක් හේතුවෙන් අහම්බයකින් මෙම මිසයිලය පකිස්ථානය දෙසට එල්ල වූ බවයි.
කෙසේ වෙතත් මේ පිලිබඳව සිය කණගාටුවට ප්රකාශ කරන ඉන්දියාව ඉහළ අධිකරණ නියෝගයක් මත සිදුවීම පිලිබඳව පරීක්ෂණයක් පැවැත්වීමට කටයුතු කරන බව ප්රකාශ කළේය
අනතුරින් ජීවිත හානි කිසිවක් සිදු නොවීම සැනසිලිදායක කරුණක් බවත් ඉන්දියානු ආරක්ෂක අංශ නිවේදනයක් නිකුත් කරමින් සඳහන් කර ඇත.
සිදුවීම පිලිබඳව අදහස් දක්වන පකිස්ථානය පැවසුවේ “අධිවේගී පියාසර වස්තුවක්” රට තුලට ඇතුළු වී ඇති බවත් මිසයිලය ඉස්ලාමාබාද් අගනුවර සිට කිලෝමීටර් 500ක් පමණ දුරින් පිහිටි රටේ නැගෙනහිර ප්රදේශයේ නගරයක් වන මියන් චන්නු ආසන්නයේදී කඩා වැටී ඇති බවත්ය.
මෙම මිසයිලයේ පියාසර මාර්ගය පකිස්තාන ගුවන් අවකාශයේ බොහෝ ජාතික සහ ජාත්යන්තර මගී ගුවන් ගමන් මෙන්ම මිනිසුන්ගේ ජීවිත සහ භූමියේ දේපළ අනතුරේ හෙළා ඇති බවත් පකිස්තාන නිකුත් කල නිවේදනයේ වැඩි දුරටත් සඳහන් වේ.
මෙම සිදුවීම බෑරූරුම් ලෙස සලකන බව ප්රකාශ කරන පකිස්තාන විදේශ අමාත්යාංශය මේ පිලිබඳව විරෝධය ප්රකාශ කිරීම සඳහා පකිස්ථානයේ ඉන්දීය මහ කොමසාරිස්වරයා ඉස්ලාමාබාද් අගනුවරට කැඳවන බව ප්රකාශ කළේය.
එමෙන්ම සිදුවීම පිළිබඳව සිදුකෙරෙන පරීක්ෂණ වාර්තා පකිස්ථානය සමඟ හුවමාරු කරගන්නා ලෙසද ඔවුන් ඉන්දියාවෙන් ඉල්ලා සිටියේය.
පකිස්ථානය හා ඉන්දීයාව යන රටවල් දෙකම න්යෂ්ටික ආයුධවලින් සන්නද්ධ වන අතර දෙරට අතර දේශපාලනික නොහොඳතාවයන්ද පවතී.
